Аб гэтым заявіў сёння журналістам намеснік міністра сельскай гаспадаркі і харчавання Васіль Паўлоўскі.
Намеснік міністра адзначыў, што Мінсельгасхарчам былі распрацаваны мерапрыемствы ў адпаведнасці з даручэннем урада па забеспячэнню насельніцтва крупянымі культурамі ў поўным аб’ёме. Гэтыя заданні даведзены да абласцей і вытрыманы. «Мы плануем сабраць каля 40 тыс.т грэчкі, з іх — 25 тыс.т крупы, — расказаў Васіль Паўлоўскі. — Тое, што Міністэрства гандлю нам заявіла, мы забяспечым».
Уборка грэчкі ўжо вядзецца ў гаспадарках краіны. Калі ў мінулым годзе ўраджайнасць гэтай сельгаскультуры была 10 ц/га, то сёння — 17 ц/га.
Аграрыі ўпэўнены, што патрэбы ў грэчцы ў гэтым годзе будуць поўнасцю задаволены. Дэпартаментам хлебапрадуктаў уведзены дадатковыя магутнасці па перапрацоўцы круп грэчкі. «Мы будзем забяспечаны сваімі крупамі», — дадаў намеснік міністра.
Намеснік кіраўніка Мінсельгасхарча таксама адзначыў, што ў гэтым годзе чакаецца добры ўраджай бульбы. Самае галоўнае для аграрыяў — захаваць яго да наступнага ўраджаю. У гэтым годзе ў краіне плануецца ўвесці новыя бульбасховішчы аб’ёмам 211 тыс.т. «
На 1 кастрычніка бульба будзе стапрацэнтна ляжаць у сховішчах, такую задачу паставіў перад намі прэзідэнт»,— нагадаў Васіль Паўлоўскі.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары