Аглядальніца прэзідэнцкай газеты «Советская Белоруссия» даслала ў Маскву, у «Коммерсант» сваё рэзюмэ і прапанову працы. Піша Павел Шарамет.
Яна, зразумела, «ініцыятыўная, добрасумленная», мае сувязі сярод беларускіх палітыкаў, «можа прадставіць розныя пункты гледжання на падзеі ў Беларусі».
Напісала, што заканчвае афармленне статусу індывідуальнага прадпрымальніка, «што палегчыць разлікі з рэдакцыяй за праведзеную працу».
Журналістка ў дзяржаўных колах вядомая і зарабіла аўтарытэт сваімі ўхвальнымі артыкуламі пра «беларускі цуд».
Не хачу называць яе імя, інакш зжаруць бедную (я так разумею, што ўжо ў наўпростым сэнсе слова) дзяўчыну.
Лукашэнкаўскія прапагандысты бягуць ад карыта куды вочы павядуць. І гэта сімптаматычна.
Раней з’язджалі толькі апазіцыянеры або апалітычныя людзі. Цяпер пабеглі верныя лукашысты.
Пачаў весці штотыднёвую праграму на ўкраінскім Пятым канале журналіст Дарафееў, які 5 гадоў шукаў на лукашэнкаўскім канале АНТ сэнсы там, дзе іх у прынцыпе няма.
Я паглядзеў пару выпускаў. Трымаецца ўпэўнена. Задае уплывовым украінскім палітыкам падступныя пытанні. Жартуе з імі нават на грані фолу.
Інтэрв’ю дае, што ён, маўляў, заўсёды быў апазіцыйным журналістам, які шукаў праўду.
Чума, неба ўпала на зямлю.
Чакаем ў Маскве на заробкі Паўла Ізотавіча Якубовіча.
-
Статкевіч: Каго не ўдалося запалохаць да сталага ўзросту, таго ўжо не запалохаеш
-
«Для нас, БНФ, вылучэнне Шушкевіча было нажом у спіну». Навумчык і Статкевіч высвятляюць ролю Беларускага згуртавання вайскоўцаў
-
Ігар Карней: Будзе каманда — зробяць усё, каб і з годам трымаць у закладніках хоць пяцігодку, хоць болей
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары