Барысаў. У барысаўскай турме збунтаваліся арыштанты. Колькі чалавек, каторых нядаўна засудзілі на вечную катаргу. Хочучы ўцячы, напалі на двух вартаўнікоў, аднаго з іх забілі і, схапіўшы ключы, паадчынялі каморы і павыпускалі іншых арыштантаў — усяго 105 чалавек. Адміністрацыя турмы падняла гвалт і паспяшалася закрыць выхады. Арыштанты загарадзіліся і не пускалі нікога на другі паверх. Каля першай ночы прыехаў губернатар са стражнікамі. Раніцай, калі арыштанты не вярнулі рэвальвераў, стражнікі сілай выламалі дзверы. Арыштанты спаткалі іх стрэламі. У часе перастрэлкі стражнікі 2 арыштантаў і 5 зранілі. Парадак вярнулі. Бунтароў закавалі ў ланцугі.
«НН». № 42. 1911.
Прэзідэнтам Нацыянальнай акадэміі навук быў прызначаны доктар эканамічных навук Міхаіл Мясніковіч, які дагэтуль ніводнага дня не працаваў у навуцы. Акадэмія — не адміністрацыя прэзідэнта, тут усіх не пашыхтуеш, не павядзеш чыльнымі радамі на перадавыя будоўлі будучыні. Навуковае асяроддзе будзе ставіцца да новапрызначанага кіраўніка, як да чужака. Шкада Мясніковіча. Хацеў быць паслом ці бізнесменам, а пакінулі чыноўнікам.
«НН». № 43. 2001.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары