13. лістапада. Loft-café (вул.Броўкі, 22). 19.00.
13 лістапада Аляксандр Кулінковіч у суправаджэнні сваіх калегаў упершыню выканае свае песні ў акустычным варыянце, а гурт «Da!Бл…» з вёскі Нарач прадставіць свой новы альбом «Эпоха мод» у лайт-версіі.Гэтым разам канцэрт з серыі «Тузін. Unplugged» адбудзецца ў новым месцы – менскім Loft-café.
Паводле задумы праекту «Тузін. Unplugged», самыя цікавыя рок-гурты Беларусі прадстаўляюць свае песні ў камерным фармаце. Пост-грандж гурт з вёскі Кабыльнікі (Нарач) «Da!Бл…» атрымаў вядомасць пасля перамогі на полацкім рок-фэсце «Ноч ваўкалака-2008» і ўдзелам у чарце на «Тузіне Гітоў» з песняй «Параноя». Гурт падрыхтаваў для канцэрта 13 лістапада аблегчаную версію сваёй новай праграмы «Эпоха мод». Як кажуць музыкі, апрацоўкі некаторых песень былі змененыя карэнным чынам.
Да непазнавальнасці змененыя і некаторыя творы Аляксандра Кулінковіча. Выканаўца ўпершыню заспявае свае галоўныя хіты ў акустычнай версіі. У трэк-лісце ёсць такія песні, як
«Ехали уроды», «Полцарства», «Звёздочки», падарунак ад Лявона Вольскага «Марскі чалавек»...Сам Кулінковіч кажа, што спачатку думаў, што з гэтай задумы выйдзе «поўнае лайно», але па выніку яму і яго калегам нават спадабалася такое лагоднае гучанне.
Падчас выступаў гледачы змогуць задаць пытанні музыкам.
Весці імпрэзу «Тузін. Unplugged» па традыцыі будзе Алег Хаменка, музыкант і нязменны вядучы радыёверсіі хіт-параду «Тузін Гітоў». Да ўсяго, наведнікі канцэрту 13 лістапада маюць шанец выйграць эксклюзіўную складанку «Будзьма! Тузін.Перазагрузка-2», а таксама іншыя прызы ад партнёра «Тузіна Гітоў» кампаніі «Будзьма беларусамі».
Квіткі на канцэрт будуць прадавацца ў дзень канцэрта, 13 лістапада з 11.00 у Loft-café (вул.Броўкі, 22). Канцэрт пачнецца ў 19.00. Цана квітка – 50 000 руб., за столікам – 70 000 руб. Т. для даведак: +375 29 6872093.
Памілаваныя 15 чалавек, сярод якіх 13 палітвязняў15
Каментары