У лютым беларускія ўлады маюць намер абмеркаваць з місіяй Міжнароднага валютнага фонду пытанне аб новай крэдытнай праграме.
У лютым беларускія ўлады маюць намер абмеркаваць з місіяй Міжнароднага валютнага фонду пытанне аб новай крэдытнай праграме. Пра гэта паведаміла старшыня праўлення Нацыянальнага банка Надзея Ермакова на
Паводле яе слоў, хадайніцтва Беларусі аб новай праграме зараз знаходзіцца ў МВФ.
«У лютым мы будзем зноў весці размову па гэтым пытанні. Наша прапанова — рэфінансаваць тую запазычанасць, якая ёсць у нас перад МВФ», — сказала Ермакова.
Запазычанасць Беларусі перад МВФ зараз складае 3,8 млрд. даляраў, дадала кіраўнік Нацбанка.
Як раней паведамлялася, у 2012 годзе Беларусь павінна адправіць на пагашэнне знешняга дзярждоўгу больш як 1,6 млрд. долараў. У наступныя два гады (2013–2014) штогадовыя плацяжы па пагашэнні знешняга дзярждоўгу перавысяць 3 млрд. долараў.
Паводле неафіцыйнай інфармацыі, новы крэдыт МВФ можа выдзеліць Беларусі ў тым выпадку, калі афіцыйны Мінск пагодзіцца на праграму рэформ, якая будзе ўключаць жорсткуюграшова-крэдытную ібюджэтна-падатковую палітыку, а таксама структурныя змяненні ў рэальным сектары эканомікі.
Ермакова таксама паведаміла, што Нацбанк у лютым знізіць стаўку рэфінансавання, і што Беларусь пакуль не гатовая да ўвядзення расійскага рубля.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў20
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары