Зімоўскі, Шадрына, Пефціеў?

У часе анлайн-канферэнцыі на сайце радыё «Свабода» сустаршыня аргкамітэта БХД В.Рымашэўскі паведаміў, што «Офіс за дэмакратычную Беларусь» выступае за скарачэнне спісу неўязных беларускіх чыноўнікаў.

Каментар кіраўніцы «Офісу за дэмакратычную Беларусь» Вольгі Стужынскай:

«Калі прайшла інфармацыя пра тое, што спісы неўязных будуць пашыраныя,

мы сапраўды заявілі, што не лічым, што пашырэнне візавых санкцый на гэты момант з’яўляецца эфектыўным метадам. Наадварот: на наш погляд, гэта можа пагоршыць становішча палітвязняў.

Перагледзець спісы варта было б нават з-за даўнасці, бо там ёсць людзі, якія альбо памерлі, альбо сышлі са сваіх пасадаў, альбо не прывязаныя да рэпрэсій 19 снежня. Тыя, хто вінаватыя, павінны застацца. Больш за тое: туды варта дадаць і тых, хто з’яўляюцца, напрыклад, удзельнікамі расправы над Алесем Бяляцкім.

Але людзі, якія не нясуць нейкай цяжкай віны і ніяк не звязаныя з рэпрэсіямі 19 снежня, проста па тэрміну даўнасці павінны быць знятыя з гэтых спісаў.

Вы можаце назваць некалькі прозьвішчаў?

Па-першае, там ёсць некалькі людзей, якіх ужо не стала.

Па-другое, некалькі журналістаў — напрыклад, намесніца рэдактара «Советской Белоруссіі» Ганна Шадрына, якая нават не была на гэтай пасадзе ў той час. А ўзяць Зімоўскага, які сышоў з пасады, з’ехаў з краіны.

Альбо, напрыклад. калі мы кажам пра рэктараў унівэрсітэту. Калі кажам, што трэба развіваць кантакты паміж беларускімі і еўрапейскімі ВНУ,

Нават нягледзячы на тое, што менавіта гэтыя рэктары масава выключалі студэнтаў за іх удзел у маніфестацыях? То бок, гэта можна прабачыць ім за даўнасцю гадоў альбо за важнасцю новых задачаў?

Я гэтага не сказала, але што тычыцца, напрыклад, рэктара БДУ — сапраўды, пасля выбараў 2006 году шмат было адлічана, але менавіта пасьля выбараў 2011 года была абсалютна іншая сітуацыя.

Я спрабую глядзець больш шырока на адносіны паміж ЕС і Беларуссю, і на мой погляд, калі працягнецца ізаляцыя ў дачыненні да нашай краіны, не выйграе ніхто.

Вы стараецеся давесці свой пункт погляду да еўрапейскіх палітыкаў?

Так, і як аргумент — тое, што мы зацікаўленыя ў развіцьці кантактаў паміж ЕС і найбольшай колькасцю прадстаўнікоў грамадзянскай супольнасці Беларусі.

Мой самы вялізны страх, што калі будуць уводзіцца больш і больш санкцыяў — так, магчыма, яны лагічныя, абгрунтаваныя і г.д. — што адносінаў паміж нашай краінай і ЕС стане ўсё менш, і ЕС знікне з беларускай прасторы абсалютна, і мы будзем усё больш адыходзіць у бок усходу. На сёння гэта выбар паміж дрэнным і горшым, калі глядзець на нашы адносіны з ЕС.

* * *

«Офіс за дэмакратычную Беларусь» у Брусэлі — грамадская арганізацыя, заснаваная беларусамі, якія пражываюць за мяжой, дзеля ўмацавання сувязей паміж беларускімі прадэмакратычнымі групамі, у тым ліку НДА, палітычнымі партыямі, незалежнымі СМІ з аднаго боку, і інстытутамі ЕС, Радай Еўропы, НАТО, ААН, міжнароднымі арганізацыямі, якія займаюцца правамі чалавека, і міжнароднай прэсай — з іншай. Фактычна, гэта першая лабісцкая структура беларусаў пры ЕС.

• 0
• 0
• 0
• 0
• 0
• 0
• 0
• 0