Сярэдняя цана на расійскі газ для Беларусі ў 2011 годзе ў параўнанні з 2010 годам узрасла на 41,5% і склала 265 даляраў за тысячу кубаметраў, паведамляе Нацыянальны статыстычны камітэт.
Паводле звестак камітэта, за мінулы год Беларусь імпартавала 20 млрд. кубаметраў газу. У параўнанні з 2010 годам імпарт расійскага газу скараціўся на 7,3%.
Як паведамлялася раней, у канцы лістапада 2011 года «Газпром» купіў 50% акцый «Белтрансгаза» за 2,5 млрд. даляраў, давёўшы сваю долю ў прадпрыемстве да 100%. Узамен Беларусь атрымала скідку на газ сёлета і падпісала кантракт на пастаўкі газу ў 2012–2014 гадах. Сярэднегадавая цана газу ў 2012 годзе складзе 165,6 даляра за тысячу кубаметраў. Пры гэтым «Газпром» прыняў рашэнне перайменаваць кампанію «Белтрансгаз» у «Газпром трансгаз Беларусь».
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча10
Каментары