Беларуская партыя левых "Справядлівы свет" лічыць неабходным даць выбаршчыкам і членам выбарчых камісій альтэрнатыву на парламенцкіх выбарах, заявіў старшыня партыі Сяргей Калякін6 сакавіка ў Магілёве.
"Мы заявілі адназначна, што сёння ўмоў для правядзення свабодных, справядлівых раўнапраўных выбараў у краіне няма, і наўрад ці яны з'явяцца да верасня гэтага года", — сказаў кіраўнік партыі левых.
Паводле яго слоў, у краіне "ёсць палітзняволеныя, не рэгіструюцца палітычныя партыі і грамадскія аб'яднанні, зарэгістраваныя арганізацыі не могуць ажыццяўляць сваю статутную дзейнасць, забаронены мітынгі, дэманстрацыі, наогул палітычная дзейнасць знаходзіцца пад забаронай, няма свабодных СМІ".
"Разам з тым мы зыходзім з таго, што палітычная кампанія, якую называюць выбарамі, адбудзецца", — сказаў Калякін.
"Падчас выбарчых кампаній людзі актывізуюцца, з'яўляюцца дадатковыя магчымасці ў палітычных суб'ектаў для заяў пра сваю пазіцыю. Можна павысіць вядомасць сваёй арганізацыі, павысіць узровень падтрымкі сваёй арганізацыі сярод насельніцтва", — адзначыў кіраўнік партыі.
Ён лічыць, што прозвішчы дэмакратычных кандыдатаў "павінны застацца ў бюлетэнях і ў дзень галасавання". "Трэба даць людзям альтэрнатыву, але пры гэтым мы будзем тлумачыць, што выбараў няма, і, хутчэй за ўсё, ваш голас выкрадуць. Але
мы дадзім вам альтэрнатыву зрабіць па сумленні, а ўжо справа ўлады выкрасці гэты голас, падтасаваць або ўсё астатняе.Адначасова мы будзем кантраляваць, як будзе дзейнічаць улада", — сказаў Калякін.
Таксама ён лічыць важным даць альтэрнатыву членам выбарчых камісій. "Калі ўсе дэмакратычныя кандыдаты здымуцца, то людзі ў выбарчых камісіях не будуць мець альтэрнатыву, як зрабіць: ці з-за страху, як заўсёды, адхіліцца і даць старшыням камісіі магчымасць фальсіфікаваць, ці праявіць грамадзянскую пазіцыю і палічыць сумленна", — заявіў Калякін.
Таму, як сказаў палітык,
"Справядлівы свет" пакуль не падтрымлівае заяву аб тым, што іх кандыдаты будуць здымацца з выбараў.
Што да асабістага ўдзелу ў выбарах у палату прадстаўнікоў, то, паводле слоў Сяргея Калякіна, гэтае пытанне цяпер абмяркоўваецца, і рашэнне па ім будзе прынятае.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары