Пачынаецца распродаж гістарычных помнікаў расейцам: можна купіць і палац Радзівілаў
У нашай краіне руйнуюцца сотні старадаўніх будынкаў.
Сядзібы і палацы разрабаваныя, многія даўно не падлягаюць аднаўленню. Мясцовыя ўлады робяць нясмелыя спробы прадаць іх з аўкцыёнаў, але эфектыўнасць такой працы блізкая да нуля. Рэкламы ў інтэрнэце няма, а «раёнкі», дзе размяшчаюць інфармацыю, ніхто не чытае. Хутка сітуацыя можа змяніцца. Міністэрства культуры спрабуе рэалізаваць палацы з дапамогай агенцтваў нерухомасці.
Графа «палацы і сядзібы» з’явілася некаторы час таму на сайце АН «Сільван». Пакуль да продажу прапануюцца 16 аб’ектаў. Сярод іх — сядзіба Рэйтанаў (Брэсцкая вобласць, Ляхавіцкі раён, вёска Грушаўка), палац Патоцкіх у Высокім (Брэсцкая вобласць, Камянецкі раён), Палац Радзівілаў (в. Паланэчка, Баранавіцкі раён), сядзіба ў вёсцы Фларыянава і г.д.
— У Беларусі ідзе распродаж палацаў і сядзібаў. Частка з іх з’яўляецца помнікамі архітэктуры, частка не. Стаяць яны ў асноўным на балансе ў мясцовых выканкамаў, — кажа дырэктар агенцтва «Сільван» Адэліна Папова. — Але на месцах продажам займацца не хочуць. Міністэрства культуры таму прапанавала ўзяць гэтую працу нам. Займаецца нашае агенцтва, а таксама «Час Пик». Частку аб’ектаў ужо выставілі ў інтэрнэт, яшчэ частка з’явіцца неўзабаве.
Кошты, дарэчы, на сайтах не пазначаныя. Чаму?
— Яны смешныя. У Магілёўскай вобласці маёнтак князёў Раманавых, напрыклад, прадаецца за 300 000 беларускіх рублёў. Але кошты ўсталёўваем не мы, а Дзяржкаммаёмасці. Большасць палацаў знаходзяцца ў разбітым стане. Адны сцены стаяць. Тое, што мае
Два маёнткі, па словах Адэліны Паповай, ужо прададзеныя расійцам. На іх, мяркуючы па ўсім, і разлічаная прапанова Мінкульта.
— Расійцы купляюць, рэстаўруюць, рамантуюць. У Віцебскай вобласці з разбуранага будынка зрабілі гатэль, возяць туды турыстаў.
Як кажуць спецыялісты, да рэканструкцыі памятных будынкаў будуць ставіцца пільна. Нязменнае патрабаванне — аднавіць першапачатковае аблічча аб’екта. Ну, а інтэр’ер можа быць разнастайным і залежаць ад жаданняў уладальніка.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары