Цырымонія ўзнагароджання пройдзе 26 мая а 18-й у галерэі «Ў» (Незалежнасці, 37а, Мінск). Вядучы імпрэзы — Лявон Вольскі.
Нагадаем, што сёлета ў шорт-ліст пераможцаў конкурсу ўвайшлі 46 прэс-фатографаў.
Гран-пры конкурсу пераможца атрымае з рук сталага члена журы конкурсу «Прэс-фота Беларусі», кіраўніка маскоўскага бюро «Associated Press», пулітцэраўскага лаўрэата Аляксандра Землянічэнка. Вядучым мерапрыемства будзе вядомы спявак Лявон Вольскі, які пасля ўзнагароджання удзельнікаў зладзіць невялікі канцэрт.
У сувязі з тым, што памяшканне галерэі невялікае, уваход на мерапрыемства будзе па папярэднім запісе (+375 29 6868333, Юля).
Выстава працаў пераможцаў конкурсу будзе даступная два дні: 26 мая з 12.00 да 18.00 і 27 мая з 14.00 да 22.00.
Акрамя гэтага, у рамках праекта «Прэс-фота Беларусі-2012» пройдуць дзве творчыя сустрэчы:
27 мая, з 11.00 да 14.00 — сустрэча фіналістаў конкурсу 2010-2012 гадоў з Аляксандрам Землянічэнка (ўваход па папярэднім запісе, (+375 29 6868333, Юля).
27 мая, з 14.00 да 15.00 — сустрэча з пераможцамі «Прэс-фота Беларусі». Папярэдне — Наталля Аблажэй (БЕЛТА), Аляксандр Васюковіч, Сяргей Грыц (Associated Press), Сяргей Гудзілін (Наша Ніва), Таццяна Зяньковіч (ЕРА), Васіль Фядосенка (Reuters). Уваход вольны.
***
«Прэс-фота Беларусі» — конкурс фатографаў, якія працуюць у сферы медыя. Быў заснаваны ў 2009 г. айчыннымі фотарэпарцёрамі. Праводзіцца штогод. У конкурсе бяруць удзел супрацоўнікі як дзяржаўных, так і недзяржаўных СМІ. У 2011 годзе грані-пры атрымаў фатограф «Нашай Нівы» Сяргей Гудзілін.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае23
Каментары