Праз акіян паедуць вокны, дзверы і металічныя вырабы.
Беларусь будзе пастаўляць у Венесуэлу будаўнічыя матэрыялы. Пра гэта заявіў міністр архітэктуры і будаўніцтва Анатоль Нічкасаў.
Распрацаваны графік паставак з Беларусі будаўнічых матэрыялаў, у якіх Венесуэла зведвае дэфіцыт. «
мы вырашылі, што лепш накіроўваць з нашай краіны шэраг дэфіцытных пазіцый — вокны, дзверы, розныя металічныя вырабы, аддзелачныя матэрыялы, —расказаў Анатоль Нічкасаў. — З улікам таго, што мы павінны будзем пабудаваць у гэтай краіне 10 тыс. кватэр, пастаўкі будматэрыялаў вельмі важныя. Нам уяўляецца, што такі экспарт будзе выгадным».
Міністр таксама нагадаў, што беларускія спецыялісты пабудавалі ў Венесуэле і запусцілі ў строй завод па выпуску керамічных вырабаў.
Магутнасць гэтага прадпрыемства разлічана на вытворчасць 20 млн. штук цэглы ў год.«Гэта вельмі вялікая магутнасць нават па еўрапейскіх маштабах, і венесуэльскі бок зацікаўлены ў пашырэнні гэтага прадпрыемства, — адзначыў Анатоль Нічкасаў. — Мы дамовіліся аб тым, што другая тэхналагічная лінія будзе вырабляць чарговую прадукцыю з выкарыстаннем мясцовай сыравіны. Усе матэрыялы, якія будзем выпускаць сумесна, пойдуць на будоўлі».
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары