Камітэт дзяржкантролю апублікаваў вынікі маштабнай праверкі.
На падрыхтоўку і правядзенне фестывалю «Дажынкі-2011» у Маладзечне было выдаткавана 822,8 мільярда рублёў. За апошнія пяць гадоў гэта адно з самых дарагіх святаў ураджаю. Як выявіла праверка КДК, з гэтай сумы 7,6 мільярда было выкарыстана неэфектыўна, а асваенне яшчэ 6,6 мільярдаў прызналі незаконным або нямэтавым.
Па выніках праверкі да адказнасці прыцягнулі 131 службовую асобу. Былі распачатыя дзве крымінальныя справы за злоўжыванне службовымі паўнамоцтвамі і за незаконную прадпрымальніцкую дзейнасць.Гэтыя лічбы сталі вядомыя на калегіі КДК Мінскай вобласці.
Што яшчэ выявіла праверка? Дзяржкантроль так і не адшукаў агульнага каштарысу працаў па падрыхтоўцы і правядзенні фестывалю. Як вынік, праз нясвоечасовае фінансаванне многія аб’екты не адрамантавалі нават праз паўгода пасля правядзення «Дажынак». А да некаторых раней запланаваных работ рукі не дайшлі ўвогуле.
Найбольш у выкраданні грошай адзначыліся службовыя асобы ААТ «Будтрэст №3 Ордэна Кастрычніцкай рэвалюцыі».Прыдуманая імі схема аплаты арэнды жылля для супрацоўнікаў трэста прынесла ім незаконныя прыбыткі ў памеры каля паўмільярда рублёў — з выдзеленых на аплату жылля 494,2 мільёна рублёў да ўладальнікаў кватэр дайшло толькі 39,6.
Ахвярамі нядбайнасці будаўнікоў сталі жыхары 141 кватэры: у 28 дамах рамонт дахаў зацягнуўся на некалькі месяцаў. Увесь гэты час яны былі не абароненыя ад дажджоў. Тады чытач «НН» з Маладзечна апісаў, якім чынам адбываўся рамонт на вуліцы Вялікі Гасцінец. Ён даслаў некалькі дзясяткаў фота заваленых будаўнічым друзам двароў, затопленых падчас дажджу кватэр.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6767
Каментары