Незвычайнае вяселле адбылося ў Мікалаеўшчыне.
Шматгадовая зацікаўленасць «беларускім пытаннем» перайшла на новы якасны ўзровень. Вядомы нямецкі журналіст, пісьменнік, прадстаўнік нямецкай секцыі «Рэпарцёраў без межаў» Інго Пец ажаніўся з беларускай Алесяй Белановіч.
Інго і Алеся пабраліся шлюбам пры канцы мінулага тыдня ў вёсцы Мікалаеўшчына Стаўбцоўскага раёна — на радзіме маладой жонкі.Вяселле гулялі паводле беларускай традыцыі — з разнастайнымі выпрабаванямі для жаніха, прамаўленнем сужэнскіх абяцанняў стоячы на ручніку, запускам вянкоў у Нёман…
Нямецкім гасцям з Берліна і Кёльна (радзімы Інго) было з чаго падзівіцца — у Нямеччыне, па яго словах, вяселлі ў народнай традыцыі гуляюць надзвычай рэдка і хіба што ў самай глыбінцы.
Дарэчы, не ўсе запрошаныя госці змаглі прыехаць у Беларусь — дваім (у тым ліку былой дырэктарцы Мінскага міжнароднага адукацыйнага цэнтра Астрыд Зам) адмовілі ў візах.
Маладыя сужэнцы пазнаёміліся ў 2008 годзе ў часе Мінскага форуму, да арганізацыі якога Алеся мела дачыненне.
«Алеся — першая мая дзяўчына з Усходняй Еўропы, нягледзячы на тое, што я шмат падарожнічаў па гэтай тэрыторыі. Мне важна, што Алеся свабодна гаворыць
«Бацькі нават рады, што я ажаніўся з беларускай. Бо, калі я быў закаханы ў новазеландку і хацеў эміграваць, яны баяліся, што іх унукі будуць гадавацца ў Новай Зеландыі.А тут усё ж не так далёка», — смяецца ён.
Інго ўжо больш за год працуе над кнігай пра Беларусь. Ці не пашкодзіць змена сямейнага статусу аўтара аб’ектыўнаму погляду на рэчы? «Кніга пішацца ў маёй галаве ўвесь час і пастаянна там мяняецца, — кажа Інго. — Я ўжо адмовіўся ад ідэі зрабіць яе аб’ектыўнай. Яна будзе вельмі суб’ектыўнай, асабістай, і думаю, што чытачу гэта падасца нават цікавей…»
Каментары