Казуліну падоўжаны рэжым спэцыяльнага дыетычнага харчаваньня
Паводле словаў адваката, да А.Казуліна па-ранейшаму не дапускаюць незалежных урачоў.
Экс-кандыдату ў прэзідэнты лідэру Беларускай сацыял-дэмакратычнай партыі (Грамада) Аляксандру Казуліну падоўжаны ў калоніі рэжым харчавання «5Б», які быў яму прызначаны ў канцы мінулага года пасля праведзенай палітыкам галадоўкі. Гэта азначае, што А.Казулін атрымлівае спецыяльнае дыетычнае харчаванне, вызвалены ад працы, але пры гэтым удзельнічае ў абавязковых мерапрыемствах атрада. Пра гэта БелаПАН паведаміў адвакат палітыка Ігар Рынкевіч. «Гэтае рашэнне мне пацвердзілі начальнік калоніі «Віцьба-3», дзе адбывае пакаранне А.Казулін, і яго намеснік», — паведаміў ён.
Нагадаем, з 20 кастрычніка па 11 снежня 2006 года А.Казулін праводзіў галадоўку, каб прыцягнуць увагу Савета бяспекі ААН да сітуацыі ў Беларусі. За час галадоўкі ён схуднеў на 30 кілаграмаў.
Паводле слоў І.Рынкевіча, да А.Казуліна па-ранейшаму не дапускаюць незалежных урачоў. «Ні ініцыятывы нямецкага пасольства — пасла Марціна Хекера, ні прадстаўнікоў Міжнароднай арганізацыі Чырвонага Крыжа, якія таксама хацелі правесці абследаванне Казуліна, не атрымалі ўхвалы ў дэпартаменце па выкананні пакаранняў. Гэта значыць незалежных медыкаў да яго не дапускаюць», — паведаміў І.Рынкевіч.
Адвакат лічыць, што выхад з галадоўкі ў турэмным рэжыме для А.Казуліна немагчымы: «Сяргей Скрабец, які галадаў у турме не адзін раз, кажа, што там патрэбны рэгулярныя прагулкі, масаж, лазня, басейн. Чым, увогуле, Скрабец і заняўся пасля выхаду з калоніі». (С.Скрабец таксама аб’яўляў галадоўку ў знак салідарнасці з А.Казуліным, калі адбываў пакаранне ў адной з ім калоніі. — БелаПАН.)
13 ліпеня 2006 года А.Казулін быў прызнаны вінаватым у «наўмысных дзеяннях, якія груба парушаюць грамадскі парадак, <...> суправаджаюцца прымяненнем насілля і знішчэннем чужой маёмасці», а таксама ў «арганізацыі групавых дзеянняў, якія груба парушаюць грамадскі парадак, звязаны з яўным непадпарадкаваннем законным патрабаванням прадстаўніка ўлады, што пацягнула парушэнне работы транспарту, прадпрыемстваў, і актыўным удзеле ў такіх дзейннях».
Экс-кандыдата ў прэзідэнты прыгаварылі да пазбаўлення волі на пяць з паловай гадоў з адбываннем пакарання ў папраўчай калоніі агульнага рэжыму.
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары