Сам упасці ён ніяк не мог: быў добра ўмацаваны і вытрымаў не адну навальніцу.
Крыж з надпісам «Героям Аршанскай перамогі» стаяў на пагорку – над вялікай палянай на беразе рэчкі Крапівенкі. Унізе быў усталяваны памятны камень. Ён не пацярпеў.
Пра тое, што мемарыяльны крыж зламаны, паведаміў аршанскі гісторык Юры Копцік: «На поле Аршанскай бітвы часта прыязджаюць аматары беларускай гісторыі. І вось гэтым разам крыжа на звычайным месцы яны не ўбачылі. Кажуць, што ён зламаны, ляжыць унізе.
Сам упасці ён ніяк не мог: быў добра ўмацаваны і вытрымаў не адну навальніцу. Значыць, гэта зроблена знарок, кім – невядома.Але калі гэтыя людзі думаюць, што галоўнае – гэта той крыж, ці помнік унізе, то яны глыбока памыляюцца.
А крыж мы адновім. І, можа, зробім што-небудзь яшчэ, каб нашчадкам таксама засталася памяць пра нашу гісторыю!»
На полі, дзе адбывалася гістарычная Аршанская бітва, з 1991 года праходзіў фэст беларускай бардаўскай песні і паэзіі.Апошнія гады імпрэза змяніла фармат і месца правядзення, бо міліцыя не давала ўдзельнікам збірацца на гэтым месцы.
Летась і сёлета само поле ўзаралі, каб да крыжа і помніка нельга было пад'ехаць на машыне.
Аднак да крыжа ў пачатку верасня ўсё адно прыходзяць людзі. Так было і сёлета: некалькі дзён запар да крыжа прыходзілі аматары беларускай гісторыі, збіраліся на супольную малітву, запальвалі ьвечкі, ускладалі кветкі, уьнімалі бел-чырвона-белыя ьцягі.
Каментары