Скандал аб сэксуальным выхаванні дзяцей разгарэўся ў Расіі, калі на прылаўках кніжных крамаў Екацерынбурга была выяўленая ілюстраваная энцыклапедыя пра сэкс для дзяцей ад 8 да 11 гадоў «Як сталее маё цела» Валерыі Фадзеевай, якую блогеры назвалі «дзіцячай камасутрай».
Кніга складаецца з раздзелаў: «Сэксуальныя адносіны», «Што робяць дарослыя, калі займаюцца каханнем», «Займацца каханнем і зачаць дзіця — гэта адно і тое ж», «Сперматазоід», «Ад яйка да эмбрыёна», «Гомасэксуалізм», «Каханне з самім сабой». Пры гэтым бацькі дадаюць да гэтага спісу яшчэ тэму педафіліі і згвалтаванняў.
Аднак пісьменніца, якая зладзіла дзіцячую «сэксуальную рэвалюцыю», заявіла, што выпусціла кнігу, дзе не бачыць нічога крымінальнага.«Сэксуальныя адносіны — гэта не толькі полавы акт. Гэта петынг, гэта абдымкі, гэта пацалункі», — сказала Фадзеева, прызнаўшыся, аднак, што сама ў юнацтве абышлася без такога дапаможніка: «Мне было ўжо 18 гадоў, і я не ведала большай часткі інфармацыі, пра якую я напісала».
Неўзабаве пасля пачатку скандалу рэшткі накладу кнігі было вырашана знішчыць. А выдавецтва «АСТ», якое выпусціла эратычную кніжку, ужо прызналася, што пагарачылася. «Кіраўніцтва выдавецтва ў адпаведнасці з новым федэральным законам прыняло рашэнне спыніць дадрукоўку кнігі Валерыі Фадзеевай „Як сталее маё цела“, выпушчанай у 2011 годзе. Таксама з этычных меркаванняў мы вырашылі адклікаць з крамаў і знішчыць рэшткі накладу», — патлумачыла прадстаўнік кампаніі Святлана Сакалова.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары