Кандыдат у прэм’ер-міністры Грузіі Бідзіна Іванішвілі назваў вядомага ў мінулым футбаліста 34-гадовага Каху (Кахабера) Каладзэ кандыдатам на пасаду міністра энергетыкі ў новым кабінеце.
Паводле Іванішвілі, Каладзэ першапачаткова быў прадстаўлены на пасаду міністра рэгіянальнага развіцця і інфраструктуры, але цяпер ён атрымае партфель міністра энергетыкі.
«Зразумела, што застаюцца пытанні. Як у першым міністэрстве ў яго не было вопыту ў інфраструктуры, гэтак жа ў энергетыцы ў яго няма досведу. Але, калі мы ўлічым тое, як ён здольны хутка расці і які ён таленавіты [….] я спадзяюся, што праз месяц вы можаце задаць яму любое пытанне, якое датычыцца энергетыкі і ён вам дасць вычарпальны адказ і добра разбярэцца, што трэба гэтай галіне», — заявіў Іванішвілі.
Кандыдатам на пасаду міністра рэгіянальнага развіцця і інфраструктуры ў сваю чаргу стане Давід Нарманія.
Каха Каладзэ гуляў за кіеўскае «Дынама» ў1998—2000 гг. , у2001—2010 гг. за «Мілан», у складзе якога двойчы выйграў Лігу чэмпіёнаў.
Цікава, што ў «Мілан» Каладзэ перайшоў у адзін год разам з беларускім футбалістам Віталём Кутузавым, але беларус у камандзе надоўга не затрымаўся.
А ў кіеўскім «Дынама» Каладзэ гуляў з беларусамі Валянцінам Бялькевічам і Аляксандрам Хацкевічам.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца12
Каментары