Барыс Пятровіч: Была адмашка на пераслед Arche і Валера Булгакава
23 кастрычніка на БТ у праграме крымінальнай хронікі паведамілі, што выдаўцы часопіса Arche абвінавачваюцца ў незаконнай прадпрымальніцкай дзейнасці, што рахункі выдання арыштавалі, а таксама канфіскавалі 5 з паловай тысяч асобнікаў кніг, выдадзеных пад рэдакцыяй Валера Булгакава. Паводле аўтараў сюжэту, гэтая літаратура змяшчае «альтэрнатыўны погляд на гісторыю акупацыі Беларусі ў гады вайны».
«Сумнеўная літаратура з прэтэнзіяй на экстрэмізм» — так ахарактарызаваў выданні часопіса Arche журналіст Аляксандр Вярбіцкі ў сюжэце праграмы «Зона Ікс».
Пісьменнік, рэдактар часопіса «Дзеяслоў» Барыс Пятровіч так пракаментаваў падзеі вакол часопіса Arche і яго былога рэдактара Валера Булгакава:
«Тое, што здарылася з галоўным рэдактарам Arche Валерам Булгакавым, — не выпадковасць, у нашай дзяржаве выпадковасцяў не бывае. І гэта не мясцовая ініцыятыва гарадзенскіх чыноўнікаў. Хутчэй за ўсё, гэта адмашка зверху. Каб выправіць сітуацыю, каб спыніць пераслед і галоўнага рэдактара, і часопіса, патрэбная такая самая адмашка. Больш за тое — трэба адмяніць загады аб забароне распаўсюду кніг і часопісаў, вярнуць у Беларусь свабоду слова і свабоду друку. І тады не будзе гэтых парушэнняў. Калі б дзяржава павярнулася тварам да выданняў, якія прапагандуюць беларускую культуру і гісторыю, з бюджэту дапамагала ім, як гэта робіцца ў нашых суседзяў — у Польшчы і Літве, ва Украіне і Расіі, — тады, паўтаруся, не было б ніякіх парушэнняў».
Выканаўца абавязкаў галоўнага рэдактара выдання гісторык Алесь Пашкевіч, які змяніў на пасадзе Валера Булгакава, быў «непрыемна ўражаны» гэтым сюжэтам:
«З канфіскаваных кніжак толькі тры маюць дачыненне да Вялікай Айчыннай вайны. Нумар, які карэспандэнт паказваў на ўсю краіну, быў выдадзены ў 2008 годзе на абсалютна легальных падставах. Да гэтага часу ён ні ў кога не выклікаў пытанняў».
Паводле Алеся Пашкевіча, у гэтым нумары змяшчаюцца працы замежных гісторыкаў з ЗША, Ізраіля, Нямеччыны. Усе яны раней друкаваліся ў арыгінале ў салідных акадэмічных выданнях. «У гэтых краінах, дзе жорсткае заканадаўства супраць экстрэмізму, яны былі дазволеныя. Ужо адно гэта сведчыць, што абвінавачанні БТ надуманыя».
-
Галоўны рэдактар «Еўрарадыё» Яўген Казарцаў расказаў, як пяць гадоў працаваў на «Спутніку» і колькі зарабляў
-
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве
-
«Можа, Корж мяне і не памятае». Нобелеўскі лаўрэат Алесь Бяляцкі расказаў, адкуль ведае Ваню Дзмітрыенку і Макса Каржа
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве30
Каментары