У В’ент’яне, сталіцы Лаоса — невялікай краіны без уласнага выхаду да мора, адбудзецца саміт краін Еўропы і Азіі. Сярод іншых, у ім возьме ўдзел канцлерка Нямеччыны Ангела Мэркель і кіраўнікі Еўрасаюза. Саміт мае на мэце вызначэнне прыярытэтаў супрацоўніцтва дзвюх найвялікшых эканамічных зонаў свету, а таксама шляхі дапамогі бяднейшым краінам, да ліку якіх належыць і Лаос.
Саміт пройдзе на астраўцы сярод ракі Меконг — найбольшай воднай артэрыі рэгіёна. І ўжо гучаць нараканні, што дзеля саміта перасялілі пару соцень сем’яў, а на іх пляцах збудавалі канферэнцыйны комплекс.
Лаос застаецца аднапартыйнай камуністычнай краінай пад моцным уплывам суседніх В’етнама й Кітая.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Каментары