У Маскве юрыст зладзіў бойню — забіта пяць чалавек
Па адной з версій, прычынай стала непадзеленае каханне да калегі.
Юрыст адной з аптэчных сетак Масквы зладзіў бойню, у выніку якой загінула пяць чалавек, паведамляе Расійская служба
Перад гэтым ён апублікаваў у сацыяльнай сетцы «маніфест», дзе прызнаўся ў сваёй нянавісці да чалавецтва.
У сераду раніцай30-гадовы Дзмітрый Вінаградаў, узброены паляўнічымі карабінамі, прыйшоў на працу, пераапрануўся ў камуфляж, пасля чаго пачаў страляць з двух рук па сваім калегам, што сядзелі на працоўных месцах.
«У выніку двое мужчын і дзве дзяўчыны, якія сядзелі за сваімі працоўнымі сталамі, памерлі на месцы. На лесвіцы, якая вядзе да офіса, падазраваны расстраляў яшчэ аднаго калегу, які таксама памёр», — сказаў прадстаўнік следства.
Паводле інфармацыі Следчага камітэта, яшчэ двое чалавек атрымалі цяжкія раненні.
Паводле папярэдняй версіі, прычынай нападу стала складаная сітуацыя ў асабістым жыцці маладога чалавека. Як паведамляюць крыніцы ў праваахоўных органах Масквы, стралок быў неўзаемна закаханы ў адну са сваіх калегаў.
Па некаторых дадзеных, дзяўчына, у якую быў закаханы нападнік, таксама была цяжка параненая.
Вінаградаў быў затрыманы супрацоўнікамі службы бяспекі кампаніі і не аказваў супраціву пры затрыманні. Калі яго віна ў злачынстве будзе даказаная, яму пагражае ад васьмі гадоў да пажыццёвага зняволення.
Цяпер чытаюць
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары