«Беларуская чыгунка з мэтай павышэння якасці абслугоўвання пасажыраў уводзіць паслугі электроннай рэгістрацыі пры куплі квіткоў праз Інтэрнэт на цягнікі міжнародных ліній,
якія курсуюць у Расію і Латвію»,— гаворыцца ў паведамленні, размешчаным на афіцыйным сайце Беларускай чыгункі.
Электронная рэгістрацыя дазваляе значна эканоміць час, не афармляючы праязны дакумент у білетнай касе, і цалкам выключае магчымасць страты або псавання праязнога дакумента.
Пры пасадцы ў цягнік неабходна паказаць дакумент, на падставе якога быў аформлены электронны білет (напр. пашпарт).
Таксама пры пасадцы ў цягнік рэкамендуецца мець пры сабе бланк замовы з інфармацыяй пра паездку, які ў любы момант можна раздрукаваць, у тым ліку з хатняга камп’ютара.
Таксама прапрацоўваецца пытанне пашырэння электроннай рэгістрацыі для праезду на ўсіх цягніках, якія курсуюць па Беларусі.
Зараз пасажыры могуць купіць квіткі з электроннай рэгістрацыяй на цягнікі, якія курсуюць паміж Мінскам і ўсімі абласнымі цэнтрамі, Мінскам і Калінкавічамі, а таксама паміж Магілёвам і Брэстам, Віцебскам і Брэстам, Віцебскам і Гродна, Баранавічамі і Калінкавічамі (усяго 14 цягнікоў).
Праезд пасажыраў па электронных білетах пачаўся з 12 верасня.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам6
Каментары