Načalnik nižaharodskich učastkovych upaŭnavažanych, jakija admaŭlalisia zavodzić kryminalnyja spravy pa zajavach žonki Aleha Białova, źmieščany pad aryšt pa chadajnictvie śledstva, paviedamlajecca na sajcie SK RF.
U paviedamleńni havorycca, što Viktar Miler padpisaŭ čatyry pastanovy ab admovie va ŭzbudžeńni spravy pa zajavach žonki Białova pra hvałt i pahrozy z boku muža. «Usio heta pryviało da mahčymaści ździajśnieńnia Białovym masavaha zabojstva», — śćviardžaje aficyjny pradstaŭnik SK Uładzimir Markin.
Čaćviortaha žniŭnia ŭ kvatery ŭ Nižnim Noŭharadzie byli znojdzienyja rasčlanionyja cieły šaści dziaciej i ich maci. Padazravanaha ŭ ździajśnieńni zabojstvaŭ baćki Aleha Białova zatrymali ŭ Kaŭrovie, paśla čaho SK raspačaŭ spravu ŭ dačynieńni da šaściarych palicejskich, jakija svaim biaździejańniem mahli dapuścić taki zychod padziej.
Siarod fihurantaŭ spravy jość načalnik rajonnaha adździeła palicyi Alaksandr Volčak, jaho namieśnik i dvoje učastkovych. Śledčyja ličać, što z kastryčnika minułaha hoda žonka Białova źviartałasia z zajavami pra paboi i pahrozy zabojstvam i rasčlanieńniem, adnak palicejskija admaŭlalisia rasśledavać hetyja abvinavačvańni.
Kamientary