Litva kuplaje šturmavyja vintoŭki G36, jakija vyklikali niezadavalnieńnie niamieckich vajskoŭcaŭ
Ministerstva nacyjanalnaj abarony Litvy paviedamiła pra nabyćcio dadatkovaj partyi šturmavych vintovak Heckler & Koch G36, niahledziačy na pretenzii, jakija ahučvalisia raniej niamieckimi vajskoŭcami.
Taksama Litva nabudzie novyja 40-mm supraćpiachotnyja hranatamioty Heckler & Koch NK269, piša sajt Minnacabarony.
Hranatamioty mohuć vykarystoŭvacca jak padstvolnyja razam ź vintoŭkami G36, hetak i asobna.
Vintoŭki, jakija stali standartnaj zbrojaj armii Litvy ŭ 2007 hodzie, buduć pastaŭlacca ŭ śpiecyjalna madernizavanaj adpaviedna ź litoŭskimi patrabavańniami viersii G36KA4M1.
Ahulny košt kantrakta — 12,5 młn jeŭra.Kantrakt byŭ zaklučany ŭ kancy žniŭnia — jašče da taho, jak 2 vieraśnia niamiecki sud vyrašyŭ, što Heckler & Koch nie niasie adkaznaść pierad Minabarony Niamieččyny za prablemy, jakija ŭźnikli ŭ niamieckich žaŭnieraŭ padčas ekspłuatacyi vintovak G36 u Aŭhanistanie.
Vajskoŭcy adznačali, što vintoŭki hublajuć mahčymaść trapna stralać paśla častaj stralby čerhami ŭ haračym klimacie. Adnak sud paličyŭ, što Heckler & Koch vykanała tyja ŭmovy, jakija zakładyvalisia vajskoŭcami ŭ padpisanych z kampanijaj kantraktach.Ministr abarony Niamieččyny Ursuła fon der Lajien zahadała za niekalki hod pieravieści armiju krainy na inšy standartny ŭzor strałkovaj zbroi.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary