Aŭstralijskaja palicyja pradjaviła abvinavačańni ŭ seksualnych damahańniach kardynału Džordžu Pełu, jaki ŭznačalvaje Sakrataryjat pa spravach ekanomiki Vatykana. Abvinavačańni pradjaŭlenyja ŭ aŭstralijskim štacie Viktoryja, dzie Peł słužyŭ u 1970-ja. Imiony paciarpiełych i sutnaść abvinavačvańniaŭ nie raskryvajucca.
Aŭstralijskaja katalickaja carkva ŭžo zajaviła, što Peł kateharyčna abviarhaje abvinavačvańni i płanuje źjavicca ŭ sud, kab dać pakazańni. Pasiadžeńnie suda ŭ Mielburnie pryznačana na 18 lipienia.
Raniej Peła publična abvinavačvali ŭ tym, što jon sprabavaŭ damovicca ab chabary, kab schavać damahańni z boku Džeralda Rydsdejła — śviatara, jakoha z 1993 pa 2013 hod nieadnarazova asudzili za złačynstvy seksualnaha charaktaru suprać dziaciej. U 2017 hodzie Rydsdejł pryznaŭsia jašče ŭ 20 złačynstvach.
U 2016 hodzie Peł pa videasuviazi z Ryma daŭ pakazańni pierad śpiecyjalna stvoranaj kamisijaj pa seksualnych złačynstvach suprać dziaciej. Zatym aŭstralijskija detektyvy dapytali Peła ŭ Rymie datyčna złačynstvaŭ u Bałaracie, dzie žyŭ Rydsdejł.
Jak adznačaje ABC News, u ijerarchii Katalickaj carkvy Peł staić trecim paśla papy rymskaha.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ97
Kamientary