Lidar «Chryścijanskaj dziaržavy» akazaŭsia ŭ minułym asudžanym za zabojstva i razboj

Aryštavany pa spravie zaklikaŭ na adras uładalnikaŭ kinateatraŭ da admovy ad pakazu filma «Macilda» lidar arhanizacyi «Chryścijanskaja dziaržava» Alaksandr Kalinin maje sudzimaść za zabojstva, razboj i padrobku dakumientaŭ. Pra heta paviedamlaje «RIA Novosti» sa spasyłkaj na krynicu ŭ pravaachoŭnych orhanach. Hetuju ž infarmacyju paviedamiła krynica RBK u HU MUS pa Maskvie.

U 2002 hodzie Alaksandr Kalinin byŭ prysudžany Narylskim haradskim sudom da vaśmi hadoŭ pazbaŭleńnia voli pa č. 2 art. 105 (zabojstva z abciažarvalnymi abstavinami). Akramia taho, jon byŭ sudzimy pa č. 3 art. 162 (razboj ź niezakonnym praniknieńniem u žyllo) i pa art. 327 KK RF (padrobka, vyrab abo zbyt padroblenych dakumientaŭ).

U subotu, 23 vieraśnia, Kalinin byŭ aryštavany Tahanskim sudom Maskvy pa spravie ab prymusie ŭładalnikaŭ kinasietki nie pakazvać film režysiora Alaksieja Učyciela «Macilda». Suprać jaho raspačataja kryminalnaja sprava pa art. 179 KK Rasii (prymus da ździajśnieńnia ździełki abo da admovy ad jaje ździajśnieńnia). Jon aryštavany da 22 listapada. Kalinin vinu nie pryznaje, pry hetym jon nie admaŭlaje nakiravańnie listoŭ kinateatram, ale kaža, što «nakiroŭvaŭ ich pa relihijnych pierakanańniach».

«Chryścijanskaja dziaržava» nakiroŭvała ŭ kinateatry listy z zaklikam nie dapuścić pakazu filma Alaksieja Učyciela, śćviardžajučy, što lubyja zhadki ab im «buduć razhledžany jak žadańnie źniavažyć śviatych pravasłaŭnaj carkvy i pravakacyja da «ruskaha Majdanu».

13 vieraśnia kinasietki «Siniema Park» i «Formuła kino» admovilisia ad pakazu «Macildy» z-za listoŭ z pahrozami ad arhanizacyi «Chryścijanskaja dziaržava — Śviataja Ruś». Im pahražali «paralizavać infrastrukturu Rasii» praz «nierazvažlivaść, jakaja zaraz adbyvajecca ŭ kiniematohrafie», kazali pradstaŭniki sietki ŭ razmovie z RBK.

«Chryścijanskaja dziaržava — Śviataja Ruś»

U arhanizacyi «Chryścijanskaja dziaržava — Śviataja Ruś» jość sajt, jaki pakul niedastupny, i kanał YouTube, na jaki padpisanyja kala 26 tys. čałaviek. Pieršaje videa było apublikavana ŭ žniŭni 2012 hoda. Siarod rolikaŭ šmat videa z adkazami na pytańni, naprykład «ci možna [pravasłaŭnaj] farbavacca i karystacca kaśmietykaj» abo «ci možna stać mańjakam praź filmy žachaŭ».

U suviazi ź dziejnaściu «Chryścijanskaj dziaržavy» ŭ ŚMI časta zhadvajuć kiraŭnika arhanizacyi Alaksandra Kalinina ź Lipiecka, jaki nazyvaje siabie «chryścijanin Alaksandr», i Mirona Kraŭčanku, jakoha nazyvajuć to pres-sakratarom, to kiraŭnikom centralnaha adździeła.

Arhanizacyja pryciahnuŭ da siabie ŭvahu ŭ studzieni 2017 hoda, kali nakiravała ŭ kinateatry listy, u jakich zaklikała nie dapuścić pakazu filma Alaksieja Učyciela. «Luby banier, afiša, rekłamnaja ŭlotka ź infarmacyjaj pra prakat filma «Macilda» buduć razhledžany jak vaša žadańnie źniavažyć śviatych pravasłaŭnaj carkvy i pravakacyja da «ruskaha Majdanu», — havaryłasia ŭ liście.

Nieŭzabavie Dźmitryj Piaskoŭ nazvaŭ takija dziejańni niedapuščalnymi. Pavodle jaho słoŭ, arhanizacyja «Chryścijanskaja dziaržava — Śviataja Ruś» nie zarehistravanaja Miniustam. «Heta značyć, pa sutnaści, havorka idzie pra pahrozy z boku ananimnych ekstremistaŭ», — zajaviŭ tady pres-sakratar Pucina.

U lutym 2017 hoda Kraŭčanka raspaviadaŭ, što ŭ «Chryścijanskuju dziaržavu» ŭvachodzić kala 300 ludziej i jość tyja, chto hatovy dałučycca, «ich tysiačy».

• 0
• 0
• 0
• 0
• 0
• 0
• 0
• 0