23 śniežnia ŭ ramkach prajekta «Haradskija schody HDF» adbudziecca forum, pryśviečany raźvićciu Homiela i ŭdziełu hramadskaści, miedyja ŭ jaho źmienach. Na mierapryjemstvie vystupiać 13 ekśpiertaŭ: aŭtary prajektu «Rotarnaja žatka», zasnavalnik partała «Mocnyja Naviny», kiraŭniki ruchu «ViełaHomiel», Tavarystva biełaruskaj movy, a taksama hości ź Minska: redaktar časopisa Citydog.by, kampanii «Hienpłan dla minčan» i inšyja.
Arhanizatary adznačajuć, haradski forum — heta nahoda paznajomicca i abmierkavać, chto i jak źmianiaje Homiel: «Horad nie moža stać lepšym biez udziełu hramadskaści. Mienavita nieabyjakavaje staŭleńnie dazvalaje zajavić pra svaje intaresy i pryciahnuć uvahu miascovych uładaŭ. Na mierapryjemstvie my pasprabujem aśviatlić prablemy, ź jakimi sutykajucca aktyvisty, znajści sakret paśpiachovych infarmacyjnych kampanij i mahčymaści farmavańnia rehijanalnaha paradku dyskusij».
U ramkach haradskoha forumu zajaŭlena try panelnyja dyskusii:
— advakatavańnie: jak hramadstva abaraniaje svaje intaresy;
— ŚMI — lusterka, słuha ci čaćviortaja halina ŭłady? Rola miedyja ŭ raźvićci Homiela;
— hutarka ab rehijanalnym raźvićci i budučyni Homiela.
Z padrabiaznaj prahramaj i śpikierami možna paznajomicca pa spasyłcy.
Arhanizatary i hości zaprašajuć zacikaŭlenych hamialčan 23 śniežnia (subota) z 15.00 da 20.00 u prastoru «Kaŭčeh» (pr. Pieramohi, 2a, 2 pavierch). Uvachod biaspłatny, pryjarytet atrymlivajuć zarehistravanyja hości (forma dla rehistracyi — tut).
Sustreča «UKantakcie», FB.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača17
Kamientary