Ministr zamiežnych spraŭ Hiermanii Zihmar Habryel zajaviŭ, što «nie moža ŭjavić Turcyju i Ukrainu ŭ bližejšyja hady» siabrami Jeŭrapiejskaha sajuza. Pra heta jon skazaŭ u intervju niamieckaj miedyjahrupa Funke. Jaho słovy cytuje hazieta Frankfurter Allgemeine Zeitung.
«Tamu nam treba padumać pra alternatyŭnyja formy bolš ciesnaha supracoŭnictva. Kali my zmožam zaklučyć razumnuju ździełku ź Vialikabrytanijaj, jakaja budzie rehulavać adnosiny ź Jeŭropaj paśla Brexit, heta moža stać madellu dla inšych krain: Ukrainy i Turcyi», - skazaŭ jon.
Naprykład, adnosiny ES i Turcyi pahoršylisia paśla taho, jak u Turcyi była zroblenaja sproba dziaržaŭnaha pieravarotu ŭ lipieni 2016 hoda. Tady Jeŭropa raskrytykavała reakcyju tureckich uładaŭ na sprobu zrynuć prezidenta krainy Riedžiepa Taip Erdahan i masavyja aryšty. Akramia taho, była prypynienaja padrychtoŭka da ŭstupleńnia Turcyi ŭ ES. U Turcyi byli aryštavanyja niekalki hramadzian Hiermanii, u tym liku žurnalistaŭ.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary