«Siabra kamiteta pa abaronie i biaśpiecy», «sienatar» ad Kryma Volha Kavicidzi ŭ efiry prahramy «Čas pakaža» na Pieršym kanale Rasii raspaviała historyju pra zhvałtavańnie vaśmihadovaj dziaŭčynki, što adbylisia na Danbasie. Na frahmient vypusku źviarnuŭ uvahu ŭkrainski błohier Siarhiej Zaparožski ŭ svaim Facebook.
Pa słovach Kavicidzi, hetuju historyju jana daviedałasia ad «lidara» tak zvanaj «DNR» Alaksandra Zacharčanki.
«Vielmi šmat takich vypadkaŭ, pra jakija prosta strašna siońnia havaryć. Zhvałtavanaja vaśmihadovaja dziaŭčynka, jakoj u pochvu zalivajecca pienabieton. Pryviali vypadki, kali čatyry dziaŭčynki, litaralna ad 18 da 25 hadoŭ, u jakich na łbie vyrazali «Kuma sieparatysta», «Žonka sieparatysta», «Dačka sieparatysta». Ich z razrezanymi hrudźmi śpina da śpiny pasadzili, drotam pryviazali i adpravili ich svajakam»,
— raspaviała sienatar ŭ efiry prahramy.
Kamientary