Na kanfierencyi Experimental Biology 2018 navukoŭcy z Paŭdniovaj Karei pradstavili novuju technałohiju: 3D-druk ježy z zadadzienaj formaj, teksturaj i ŭtrymańniem pažyŭnych rečyvaŭ, piša «Papularnaja miechanika».

«My stvaryli płatformu, jakaja vykarystoŭvaje 3D-druk dla stvareńnia charčovych mikrastrukturaŭ, jakija dazvalajuć zadavać teksturu ježy i chutkaść jaje zasvajeńnia ciełam na piersanalnym uzroŭni, — kaža prafiesar Ry Čžyn-Kuj, kiraŭnik daśledavańnia. — My dumajem, što adnojčy ŭ ludziej buduć kartrydžy sa zdrobnienaj viersijaj roznych inhredyjentaŭ, jakija možna budzie źmiešvać z dapamohaj 3D-pryntaru i hatavać zhodna z patrabavańniami i hustam karystalnika».
U dadatak da piersanalizacyi ježy mahčymaść jaje trochmiernaha druku doma abo ŭ pramysłovych maštabach značna źnizić kolkaść charčovych adchodaŭ, a taksama źnizić canu ježy dziakujučy vyrašeńniu prablem z zachoŭvańniem i pieravozkaj.
Što praŭda, ab smakavych jakaściach praduktu na vystupie havorki nie išło.
Kamientary