Z kanca lutaha minułaha hoda ŭ Biełarusi zarehistravany 254 vypadki adru. Pra heta raspaviała namieśnik načalnika adździeła hihijeny, epidemijałohii i prafiłaktyki Ministerstva achovy zdaroŭja Ina Karaban.
Z 20 lutaha 2018 hoda ŭ Biełarusi zarehistravali 254 vypadki adru.
— Apošnija vypadki — u Minsku, siarod žycharoŭ Ukrainy, jakija jechali ciahnikom Kijeŭ — Ryha i ŭ ciahniku vyjavili ŭ siabie syp. Jany vyjšli ŭ Minsku, bo tut u ich znajomyja. Chutkaja ich špitalizavała, heta mama i dzicia, — adznačyła Ina Karaban.
Prykładna 26% chvorych — dzieci.
— Kala 27% usich tych, chto zachvareŭ na adzior, majuć źviestki pra vakcynacyju. Kala 73%, atrymlivajecca, nie byli vakcynavany abo vakcynavany nie da kanca.
Ina Karaban patłumačyła, čamu dźvie pryščepki ad adru časam nie harantujuć taho, što čałaviek sapraŭdy nie zachvareje. Pavodle słoŭ śpiecyjalista, mnohaje zaležyć ad taho, jak arhanizm adreahavaŭ na vypracoŭku antyciełaŭ paśla vakcynacyi. «Napłastavańnie chraničnych zachvorvańniaŭ, VRVI ŭpłyvaje na toje, što vypracoŭvajecca niedastatkovaja kolkaść antyciełaŭ», - adznačyła jana. Jak pakazvaje praktyka, postvakcynalny pieryjad u tych, chto zachvareŭ paśla pryščepki, prachodzić nie biaschmarna, dadaje BiełTA.
Kamientary