Izrailski kancern IAI (Israel Aerospace Industries) u chodzie vystavy Aero India, jakaja prachodzić z 20 pa 24 lutaha ŭ Banhałory (Indyja), pradstaviŭ robat-kamikadze Mini Harpy.
U roliku kampanii adna ź mišeniaŭ nahadvaje radar usievysotnaha detektara 96Ł6Je, ustalavanaha na šasi MZKC-7930 ad rasiejskich rakietnych kompleksaŭ S-300 i S-400.
U pres-relizie, apublikavanym na sajcie kampanii, adznačajecca, što taktyčnaja sistema Mini Harpy sumiaščaje mahčymaści bieśpiłotnikaŭ Harop i Harpy. Zhodna z raspracoŭnikam, robat-kamikadze zdolny baražyravać, čakajučy źjaŭleńnia celi, i tranślavać adpaviednaje videa apierataru. Bieśpiłotnik dapuskaje zapusk z naziemnych i marskich pazicyj, a taksama viertalotaŭ.
Masa Mini Harpy składaje 45 kiłahramaŭ, bajavoj častki — vosiem kiłahramaŭ, dalokaść palotu — da sta kiłamietraŭ ad apieratara, praciahłaść — da dvuch hadzin.
U studzieni Izrail atakavaŭ abjekty na terytoryi Siryi, jakija, pa dadzienych habrejskaj dziaržavy, źviazanyja ź Iranam. U chodzie ŭdaru byŭ źniščany, u pryvatnaści, kompleks «Pancyr-S1» rasijskaj vytvorčaści. Dla hetaha Izrail vykarystaŭ baražyrujučy bojeprypas SkyStriker, stvorany kampanijaj Elbit Systems.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ133
Kamientary