Telehram-kanał «Kulhavy djabał» pierajšoŭ pad kantrol rasśledavalnika «NN» Arcioma Harbaceviča
U ananimnaha telehram-kanała «Chromoj bies» («Kulhavy djabał»), jaki pazicyjanavaŭ siabie jak krynica insajdaŭ pra realnyja nastroi siarod biełaruskaha isteblišmientu i siłavych strukturaŭ, źmianiŭsia administratar. Im staŭ namieśnik hałoŭnaha redaktara «Našaj Nivy», rasśledavalnik Arciom Harbacevič.

Infarmacyja pra heta źjaviłasia na samim kanale. «Raniejšy administratar nie paciahnuŭ takuju šmatzadačnaść: nie paśpiavaje ni zajmacca fakt-čekinham, ni ŭ cełym redakturaj čaściej za paru hadzin na tydzień. Tamu pytańnie ab delehavańni paŭnamoctvaŭ kamuści z redkalehii ŭstavaŭ vastrej», — havorycca ŭ redakcyjnym tłumačeńni.
Kanał pierajmienavany ŭ «HARBATSEVICH», jaho pracoŭnaja mova ciapier — biełaruskaja. Kolkaść insajdaŭ, jak abiacajecca, nie pamienieje.
Kanał «Kulhavy djabał» byŭ stvorany ŭ pačatku 2019 hoda. Jon maje kala 8 tysiač padpisantaŭ.

Kamientary