Sioleta ŭ Kapyli projdzie Dzień biełaruskaha piśmienstva i abłasnoje śviata «Dažynki». Da hetych padziej ŭłady vyrašyli pravieści «hienieralnuju ŭborku» ŭ centry horada i pieranieści adtul pomnik Leninu.
Takoje rašeńnie miascovy rajvykankam pryniaŭ jašče ŭ sakaviku. Było vyrašana demantavać pomnik padčas prac pa dobraŭparadkavańni horada da dvuch hetych śviataŭ i pastavić jaho ŭ skviery la Dziciačaj škoły mastactvaŭ.
Na ŭsialaki vypadak rajonnaja hazieta ŭdakładniła, što «pieranos u inšaje miesca zusim nie źmianšaje zasłuh pravadyra suśvietnaha praletaryjatu, ź imiem jakoha źviazana cełaja epocha ŭ žyćci byłych savieckich ludziej. Hetaja histaryčnaja, viadomaja u śviecie asoba budzie pa zasłuhach ŭšanavanaja. I samomu pomnika patrebna restaŭracyja».
U vyniku viasnoj pomnik pieranieśli na novaje miesca, na što źviarnuŭ uvahu telehram-kanał «Spadčyna». A na sajcie rajvykankama hramadzianie vykazali svajo zadavalnieńnie hetym.
Kolki ŭsiaho ŭ Biełarusi pomnikaŭ Leninu?
U kancy 1980-ch hadoŭ byŭ vydadzieny «Zbor pomnikaŭ historyi i kultury Biełarusi» (u vaśmi tamach). Na jaho staronkach była raźmieščana infarmacyja ab kala 600 pomnikach u respublicy. Bolšaść ź ich zachavałasia, ale pomniki, raźmieščanyja na terytoryi pradpryjemstvaŭ, za hady niezaležnaści aktyŭna demantavali.
U ciapierašni čas u bazie danych sajta leninstatues.ru majecca infarmacyja pra 421 pomnik Iljiču. Amal usie jany nie majuć mastackaj vartaści. Status historyka-kulturnaj kaštoŭnaści majuć tolki dzieviać ź ich.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača38
Kamientary