Niamieččyna nie pryznaje Łukašenku, ale ličyć patrebnymi pieramovy ź im dla akazańnia dapamohi mihrantam
Urad Niamieččyny nie pryznaje lehitymnaść Alaksandra Łukašenki jak prezidenta Biełarusi, ale ličyć patrebnymi pieramovy ź im dla akazańnia humanitarnaj dapamohi mihrantam. Pra heta zajaviŭ u sieradu na bryfinhu aficyjny pradstaŭnik kabinieta ministraŭ Štefien Zajbiert, piša TASS.
«Dla taho, kab palepšyć hetuju humanitarnuju situacyju dla tysiač ludziej, maje sens razmaŭlać z tymi, chto ŭ Minsku maje mahčymaść źmianić stanovišča, navat kali havorka idzie pra kiraŭnika, lehitymnaść jakoha Niamieččyna i astatnija jeŭrapiejskija krainy nie pryznajuć», - skazaŭ jon.
«Tamu kancler praviała telefonnuju razmovu z Łukašenkam — kab znajści humanitarnyja šlachi, kab zabiaśpiečyć, naprykład, dostup dla UVKB (Upraŭleńnie Viarchoŭnaha kamisara AAN pa spravach biežancaŭ)», - padkreśliŭ Zajbiert, adznačyŭšy, što mihranty pačali atrymlivać pieršuju dapamohu na miescy.
«I jana praviała hetuju razmovu ŭ ciesnaj kaardynacyi ź Jeŭrakamisijaj i paśla papiaredniaj infarmacyi z boku važnych partnioraŭ u rehijonie», - skazaŭ Zajbiert.
Kamientary