41-hadovy hamialčuk zajmaŭsia amatarskimi raskopkami i znachodziŭ pry hetym bojeprypasy časoŭ vajny. Z časam sabrałasia dastatkova bahataja kalekcyja, pra jakuju daviedałasia milicyja. U vyniku da mužčyny pryjšoŭ HUBAZiK.
Mužčyna zachoŭvaŭ u haražy doma i na dačy zbroju i bojeprypasy, jakija znajšoŭ padčas raskopak u miescach bajavych dziejańniaŭ časoŭ vajny. Raskopki, udakładnili ŭ milicyi, byli niezakonnyja.
Usiaho ŭ homielskaha «čornaha archieołaha» kanfiskavali 18 artyleryjskich uzryvalnikaŭ, try ružejnyja hranaty, askiepkava-fuhasnyja i braniabojna-trasujučyja artyleryjskija snarady, a taksama samarobny pistalet. Ekśpierty ŭžo vyznačyli, što ŭsio heta prydatna dla vybuchaŭ i strełaŭ.
Hamialčuk zapeŭnivaje, što nie źbiraŭsia vykarystoŭvać bajavy arsienał u złačynnych metach. Ale ŭ dačynieńni da jaho ŭsio adno raspačataja kryminalnaja sprava za niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ.
Kamientary