Pra heta stała viadoma z aficyjnaha adkazu na list maci Aŭtuchoviča, jakaja prasiła pryznačyć jamu adbyvańnie pakarańnia ŭ Vaŭkavysku.
Vaŭkavyski pradprymalnik Mikałaj Aŭtuchovič pavinien adbyvać pakarańnie ŭ papraŭčaj kałonii ŭ Ivacevičach (Bresckaja vobłaść),paviedamiŭ juryst i pravaabaronca Aleh Vołčak.
Pra heta stała viadoma z aficyjnaha adkazu na list maci Aŭtuchoviča, jakaja prasiła pryznačyć jamu adbyvańnie pakarańnia ŭ Vaŭkavysku, dzie jana žyvie. Pavodle słoŭ Vołčaka, u luby čas Aŭtuchovič moža być pieraviedzieny ŭ Ivacevičy. «Prysud nabyŭ moc, i jon pavinien adbyć pa miescy pakarańnia», — skazaŭ jon.
Pakul ža asudžany znachodzicca ŭ śledčym izalatary ŭ Minsku.
«Jamu nieabchodnaja dapamoha zubaprateznaha doktara. Damaŭlajemsia z adnoj klinikaj, kab jon prajšoŭ adpaviednaje abśledavańnie. Spadziajemsia, jamu dazvolać pakul zastavacca ŭ Minsku», — adznačyŭ Vołčak.
Asudžany razam z Aŭtuchovičam Uładzimir Asipienka pakul taksama znachodzicca ŭ Minsku. Pavodle słoŭ Vołčaka, jamu krychu źmiakčyli ŭmovy źniavoleńnia i pieraviali ŭ inšuju kamieru.
Pravaabaronca miarkuje, što zatrymka z adpraŭkaj Aŭtuchoviča i Asipienki pa miescy adbyvańnia pakarańnia moža być źviazana z mahčymym prymianieńniem da ich amnistyi.
«Nie vyklučana, što ŭłady čakajuć, kali nabudzie moc amnistyja. Tady ŭ adnosinach da Aŭtuchoviča i Asipienki moža być prymieniena bolš miakkaje pakarańnie i nie budzie sensu nakiroŭvać ich u turmu», — kaža Vołčak.
Nahadajem, 6 maja Viarchoŭny sud Biełarusi abjaviŭ pryhavory pa tak zvanaj spravie vaŭkavyskich pradprymalnikaŭ. Aŭtuchovič pryznany vinavatym u pieravozcy i zachoŭvańni piaci patronaŭ da palaŭničaj vintoŭki i pryhavorany da piaci hadoŭ i dvuch miesiacaŭ pazbaŭleńnia voli z adbyvańniem pakarańnia ŭ kałonii strohaha režymu. Asipienku sud pryznaŭ vinavatym u zachoŭvańni i pieravozcy zbroi i vybuchovych rečyvaŭ, jon pryhavorany da troch hadoŭ pazbaŭleńnia voli z adbyvańniem pakarańnia ŭ kałonii ahulnaha režymu.
Asudžanyja svajoj viny nie pryznajuć. Pravaabaroncy rasceńvajuć hetuju kryminalnuju spravu palityčna matyvavanaj.
Kamientary