Hramadstva

«Šmat płaciažoŭ było ŭ Polščy». Biełarusy masava skardziacca na błakavańnie bankaŭskich kartak

Biełarusy skardziacca na masavaje błakavańnie bankaŭskich kartak Visa i Mastercard — za apošnija dva dni niekatoryja pazbavilisia adrazu niekalkich kartak roznych bankaŭ. Mnohija zaŭvažyli, što raniej apłačvali imi pasłuhi polskaha mabilnaha apieratara Orange. U Polščy tym časam paćvierdzili kibierataku na płaciožny servis Autopay, praź jaki ŭ tym liku možna papaŭniać rachunki mabilnych telefonaŭ, piša «Lusterka».

Fota: Lookby.Media

Adna z karystalnic Threads raspaviała, što za viečar u jaje zabłakavali adrazu dźvie kartki — Visa Pryjorbanka i Mastercard BSB Banka.

«U mianie za viečar minus kartki Pryjora Visa i BSB Mastercard. Imhniennyja błakiroŭki bieź jakoha-niebudź papiaredžańnia! U abodvuch vypadkach banki spasyłajucca na paviedamleńnie ab «kampramietacyi kartki» ad płaciežnych sistem. Što naohuł adbyvajecca?» — napisała jana.

U kamientarach pačali źjaŭlacca dziasiatki padobnych historyj — karystalniki paviedamlajuć pra błakiroŭki kartak BSB Banka, Pryjorbanka, MTBanka, Alfa Banka, Technabanka, Biełarusbanka i inšych ajčynnych bankaŭ.

Šmat chto zaŭvažyŭ ahulnuju detal — jany apłačvali biełaruskimi kartkami pasłuhi polskaha mabilnaha apieratara Orange:

  • «U mianie Visa Alfa ŭčora i siońnia BSB Mastercard, z abiedźviuch apłačvaŭsia Orange».
  • «Opańki, mnie siońnia z MTB telefanavali, skazali padyści biaspłatna pieravypuścić kartku, pryčym tolki adnu z čatyroch hetaha banka. I mienavita ź jaje ja apłačvała Orange!»
  • «Takaja ž situacyja i ŭ mianie. Učora Alfa, siońnia Pryjor. Z abiedźviuch kartak apłačvaŭ Orange».
  • «U mianie taksama siońnia zabłakavali BSB, ź jakoj letam apłačvała Orange i Booking».
  • «BSB, ź jakoj apłačvała Orange. Daviedałasia ŭ adździaleńni, kali pryjšła papaŭniać. Da słova, u dadatku kartka nie zabłakavanaja i apaviaščeńniaŭ nijakich niama».
  • «Minus Visa i minus Mastercard. Adna ŭčora, druhaja siońnia. Pa Visa skazali, što byli zaŭvažanyja niejkija dziejańni z 22 kastryčnika pa 11 listapada. Viedaju, što mnie na poštu prychodziła apaviaščeńnie 10 listapada ad Autopay, što byŭ uzłom niejkaj kampanii ŭ Polščy, z ofisam u Sopacie. Jak usio ŭzajemaźviazana — niezrazumieła… Šmat płaciažoŭ było ŭ Polščy, na jaki kankretna dumać — niezrazumieła».

Pry hetym nie ŭsie, chto sutyknuŭsia z błakiroŭkami, karystalisia polskim apierataram — niekatoryja zhadvali inšyja zamiežnyja płaciažy, internet-kramy i padpiski:

  • «Mnie siońnia dvojčy MTBank telefanavaŭ i nastojvaŭ na błakiroŭcy kartki! Apošniaje, što apłačvała ź jaje ŭ internecie, — padpiska Okko. U žniŭni sprabavała apłacić Orange, ale apłata nie prachodziła, vydavała pamyłku!»
  • «U mianie — Technabank, u chłopca — Pryjorbank. Jon apłačvaŭ iCloud i CapCut».
  • «U mianie BSB učora, napiaredadni była ŭ Polščy, Orange nie apłačvała, apłačvała tavary ŭ «Biedroncy» i kavu ŭ aŭtamatach».

U inšaj halincy Threads biełaruska pacikaviłasia, ci sutykajucca inšyja trymalniki Visa i Mastercard z padobnymi błakiroŭkami. Tam taksama źjavilisia dziasiatki paviedamleńniaŭ pra prablemy z kartkami roznych bankaŭ.

Na pytańnie adkazaŭ i aficyjny akaŭnt Technabanka: «Na žal, tak, ciapier skłałasia takaja situacyja».

Što mahło stać pryčynaj błakirovak

11 listapada ŭ Polščy vyjavili kibierataku na płaciežny servis Autopay, zarehistravany ŭ Sopacie. Kampanija paćvierdziła, što złamyśniki atrymali niesankcyjanavany dostup da častki jaje infrastruktury i źviestak ab praviedzienych płaciažach.

U vyniku pad pahrozaj mahli apynucca źviestki bankaŭskich kartak i inšaja infarmacyja klijentaŭ. Pry hetym u Autopay padkreślili, što pakul nie vyjavili paćvierdžańniaŭ kapijavańnia abo vykarystańnia hetych źviestak złamyśnikami, choć całkam vyklučyć takuju mahčymaść nie mohuć.

Kampanija paviedamiła pra zdareńnie polskamu rehulataru pa abaronie piersanalnych źviestak, palicyi i padraździaleńniu pa reahavańni na kibierincydenty ŭ finansavym siektary.

Autopay absłuhoŭvaje roznyja anłajn-płaciažy, u tym liku papaŭnieńnie rachunkaŭ polskich mabilnych apierataraŭ. Infarmacyja pra incydent źjaviłasia i na aficyjnym forumie Orange.

Paśla kibierataki niekatoryja polskija banki pačali previentyŭna błakavać kartki klijentaŭ, jakija mahli apynucca pad pahrozaj.

Naprykład, Bank Spółdzielczy w Legionowie paviedamiŭ, što zabłakavaŭ častku kartak Visa i Mastercard, jakija vykarystoŭvalisia dla płaciažoŭ praz Autopay. Klijentam prapanavali aformić novyja.

Autopay rekamienduje klijentam praviarać historyju apieracyj pa kartkach, nieadkładna paviedamlać bankam pra padazronyja śpisańni i aścierahacca machlaroŭ, jakija mohuć skarystacca navinami pra kibierataku dla padmanu.

Kamientary

Ciapier čytajuć

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić38

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić

Usie naviny →
Usie naviny

Pucin nazvaŭ umovu ŭdziełu jeŭrapiejcaŭ u pieramovach pa Ukrainie7

Da 2035 hoda musulman stanie bolš, čym chryścijan. A centr chryścijanstva pieramieścicca ŭ Afryku12

«A što drennaha było ŭ Jałcie?» Pucina spytali pra «novuju Jałtu»6

Pucin paabiacaŭ Ukrainie «balučyja adkazy» na ŭdary pa Krymskim moście4

Sabalenka schadziła na matč NBA pamiž «Łejkiers» i «Džaz». «Łejkiers» prajhrali paśla dzieviaci pieramoh zapar2

Lavon Volski prezientavaŭ klip na pieśniu «Lekar ačuniaj» VIDEA1

Prync Hary zajaviŭ, što viarnuŭsia b u vojska, kab zmahacca z Rasijaj2

Premjer Aŭstralii padčas pasiadžeńnia z Pucinym zapatrabavaŭ ad jaho nieadkładna spynić «svaju vajnu»

Biełaruski dobraachvotnik debiutuje ŭ prafiesijnym boksie

bolš čytanych navin
bolš łajkanych navin

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić38

«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić

Hałoŭnaje
Usie naviny →

Zaŭvaha:

 

 

 

 

Zakryć Paviedamić