Na puciepravodzie pamiž Kamiennaj Horkaj i Lebiadzinym u Minsku ŭžo ŭklučajuć padśvietku FOTAFAKT
U Minsku nabližajecca da zaviaršeńnia budaŭnictva puciepravoda ŭ rajonie vulic Kaleśnikava i Ratamskaj. Na moście ŭžo ŭviečary ŭklučajuć aśviatleńnie, što śviedčyć pra zaviaršalny etap uparadkavańnia terytoryi. Śviežymi zdymkami budaŭnictva ad svaich padpisčykaŭ padzialiłasia ekśpiertka ŭ śfiery nieruchomaści Natalla Litoŭskaja.

Jašče 9 listapada hatoŭnaść abjekta aceńvali ŭ 95%. Na toj momant tolki pačynali stavić aśviatlalnyja mačty. Ciapier raboty praciahvajucca ŭ kruhłasutačnym režymie. Čakajecca, što ruch aŭtamabilaŭ pa novym moście adkryjuć jašče da kanca 2026 hoda.

Puciepravod złučyć mikrarajon Lebiadziny z Kamiennaj Horkaj. Jaho ahulnaja praciahłaść składzie bolš za 380 mietraŭ, a šyrynia — ad 41,3 da 47,8 mietra. Prajekt praduhledžvaje pa try pałosy ruchu ŭ kožnym kirunku, a taksama dadatkovyja pałosy dla źjezdaŭ.
Hety most staŭ pieršym za šmat hadoŭ novym puciepravodam praz čyhunku, jaki budujuć u Minsku z nula. Bolšaść padobnych zbudavańniaŭ u stalicy ŭźviali jašče ŭ saviecki čas. Akramia taho, novy most stanie tolki druhim u Minsku aŭtamabilnym pierajezdam praz čyhunku za miežami centralnaj častki horada — pamiž Druhim kołam i MKAD. Pieršy taki abjekt znachodzicca ŭ Ściapiancy, dzie aŭtamabilnaja daroha prachodzić pad čyhunačnymi rejkami.
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary