Zialenski: Kali nazyvać Pucina siabram, to jon adčuvaje, što moža praciahvać
Prezident Ukrainy Uładzimir Zialenski ŭ intervju CNN prakamientavaŭ słovy prezidenta ZŠA Donalda Trampa, jaki napiaredadni nazvaŭ Uładzimira Pucina svaim siabram. Pavodle Zialenskaha, padobnyja vykazvańni mohuć stvaryć u rasijskaha kiraŭnika ŭražańnie, što jon nie adčuvaje dastatkovaha cisku i moža praciahvać vajnu.

«Jak nazyvać Pucina — heta sprava prezidenta Trampa. Dla nas jon vorah i, viadoma, zabojca. Dumaju, što dla bolšaści ludziej u śviecie jon taksama zabojca, bo jon zabivaje», — zajaviŭ ukrainski prezident.
Jon taksama padkreśliŭ, što Pucin imkniecca całkam źniščyć Ukrainu.
«Kali vy havorycie pra Pucina… nibyta jon siabar… viadoma, jon nie adčuvaje, što źjaŭlajecca zabojcam, jon nie adčuvaje dastatkovaha cisku. Jon adčuvaje, što moža praciahvać», — skazaŭ Zialenski.
Razam z tym Zialenski ličyć, što ZŠA zastajucca najbolš upłyvovym pasiarednikam, jaki moža dapamahčy ŭ pieramovach pamiž Kijevam i Maskvoj. Na jaho dumku, Pucin hatovy prysłuchoŭvacca da Vašynhtona i Piekina, adnak Kitaj pakul nie demanstruje zacikaŭlenaści va ŭdziele ŭ hetym pracesie. Złučanyja Štaty, pavodle Zialenskaha, majuć značnyja ryčahi ŭpłyvu na rasijskaha kiraŭnika.
19 listapada padčas sustrečy ŭ kitajskim Šeńdženi Donald Tramp, uvajšoŭšy ŭ zału i ŭbačyŭšy Pucina, uśmichnuŭsia i nazvaŭ jaho svaim siabram, paśla čaho pacisnuŭ jamu ruku. Hety epizod vyklikaŭ krytyku z boku šerahu zachodnich palitykaŭ. U pryvatnaści, amierykanskaja sienatarka-demakratka Džyn Šachin nazvała Pucina kryvavym vajennym złačyncam, a ministr zamiežnych spraŭ Polščy zajaviŭ, što ciopły pryjom rasijskaha kiraŭnika vyklikaje zaniepakojenaść.
«Pucin i Si nam nie siabry». Jak na Zachadzie reahujuć na samit Trampa ŭ Šeńdženi
«Boža, barani nas ad takich siabroŭ». Tusk adreahavaŭ na sustreču Trampa z Pucinym
Tramp i Pucin sustrelisia na palach samita ACES
Tramp: Pucin skazaŭ mnie, što nie pajšoŭ by vajnoj na Ukrainu, kali b ja tady byŭ prezidentam
Ministr abarony Hiermanii zaklikaŭ jeŭrapiejcaŭ jechać da Pucina ŭ Maskvu
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary
Administracija trampa, s momienta vstrieči s putinym v Kitaje, stała součastnikom vojennych priestuplenii putina. Nie zria, triochstorońniaja vstrieča, była sosriedotočiena na odnom, važnom voprosie - likvidacija Mieždunorodnoho Uhołovnoho Suda i "rieformirovanije" OON v storonu obieśpiečienija połnoj amnistii vsiech priestuplenii rukovodstva Rośsii, Kitaja, SŠA. Rośsi, - za vojennyje priestuplenija v Ukrainie, SŠA, - za vojennyje priestuplenija na Bližniem Vostokie, Kitaja, - za priedstojaŝije, vojennyje priestuplenija v Tajvanie.
Putin połučił połnuju indulhienciju na prodołžienije vojennych priestuplenii v Ukrainie ot trampa i si ( nie putajem s SŠA i Kitajem).
Čto i pottvierdili maśsirovannyje udary po hraždanskoj infrastrukturie Ukrainy, po vsiej Ukrainie, putinym, naniesionnyje srazu žie pośle vstrieči miež etimi troimi.