U Ivana-Frankoŭskaj vobłaści rasijskaja rakieta prabiła dach doma, ale nie vybuchnuła FOTA
Padčas masavanaj rasijskaj ataki ranicaj 20 listapada rakieta trapiła ŭ pryvatny žyły dom kala horada Burštyn Ivana-Frankoŭskaj vobłaści Ukrainy, prabiła dach, ale nie ŭzarvałasia. Z budynka ŭdałosia vyratavać dvuch čałaviek, paviedamlaje «Ukrainskaja praŭda».

U vyniku traplańnia rakiety pačaŭsia nievialiki pažar, jaki likvidavali ratavalniki. Paškodžany dom znachodzicca ŭ siale Zadniastranskaje pad Burštynam. Pavodle kiraŭnika Burštynskaj hramady Vasila Andryješyna, razbureńni surjoznyja, ciapier aceńvajecca ich maštab.

Kiraŭnica Ivana-Frankoŭskaj abłasnoj vajskovaj administracyi Śviatłana Aniščuk paviedamiła, što ŭ vyniku ataki paciarpieli žyłyja damy ŭ dźviuch hramadach vobłaści. U Halickaj hramadzie paškodžany šmatkvaterny dom, u Burštynskaj — pryvatny. Zahinułych niama, ale dvum žycharam spatrebiłasia miedycynskaja dapamoha praz vostruju reakcyju na stres.

Paśla ranišniaha abstrełu ŭ Ivana-Frankoŭskaj vobłaści pracavali 61 ratavalnik i 20 adzinak śpiecyjalnaj techniki. Akramia žyłych budynkaŭ, rasijskija vojski atakavali taksama enierhietyčny abjekt, dzie ŭźnik pažar i byŭ paranieny čałaviek.
U noč na 20 listapada Rasija ažyćciaviła masavanuju kambinavanuju ataku na Ukrainu, vykarystaŭšy balistyčnyja i kryłatyja rakiety, a taksama reaktyŭnyja bieśpiłotniki. Pad udarami apynulisia, siarod inšych rehijonaŭ, Kijeŭskaja, Charkaŭskaja, Lvoŭskaja i Ivana-Frankoŭskaja vobłaści. U vyniku ataki byli zahinułyja, a ŭ šerahu zachodnich rehijonaŭ uviali avaryjnyja adklučeńni elektryčnaści.
Ukraina naniesła ŭdar pa štabie armii ŭ Biardziansku. Zahinuli siamiora vajskoŭcaŭ, u tym liku syn hienierała
Ukraina siońnia źbiła 79 kryłatych rakiet z 84, ale nie maje čym źbivać balistyku
Častka Kijeva zastałasia bieź śviatła praz masiravanuju ataku
Rasija naniesła novy masiravany rakietny ŭdar, u Kijevie paškodžanyja try masty
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary