«Jaho zvali Cichan, jon naradziŭsia ŭ 2019 hodzie». Zialenski prakamientavaŭ udar pa Kryvym Rozie
Prezident Ukrainy ŭ svaim telehram-kanale prakamientavaŭ rasijski ŭdar pa rodnym Kryvym Rohu, u vyniku jaho zahinuli fielčarka i siamihadovaje dzicia, a 58 čałaviek byli paranienyja.

«Udar pryjšoŭsia prosta pa zvyčajnym cyvilnym rajonie horada — pablizu niama i nie było nivodnaha vajennaha abjekta. Zahinuli dziaŭčyna — miedyk ekstranaj dapamohi — i chłopčyk, jakomu było ŭsiaho siem hadoŭ. Jaho zvali Cichan, jon naradziŭsia ŭ 2019 hodzie, i, na žal, bolšaja častka jaho žyćcia prajšła ŭ čas hetaj vajny. I rasijanie zabili jaho svaim udaram. Maje spačuvańni ŭsim rodnym i blizkim…
Byli paškodžanyja zvyčajnyja žyłyja damy, ofisy, prosta cyvilnaja infrastruktura zvyčajnaha horada. Paranienyja 58 čałaviek. Siarod paranienych — šaściora dziaciej: čatyrochhadovy Maćviej i adzinaccacihadovy Płaton, braty Cichana. Taksama paranieny jaho baćka. Daktary robiać usio mahčymaje, kab im dapamahčy», — napisaŭ Uładzimir Zialenski.
«Važna, što śviet nie maŭčyć pra takija ŭdary. Ale nieabchodna, kab u adkaz na kožny taki ŭdar Ukraina atrymlivała realnuju dapamohu: sapraŭdnyja pakiety padtrymki, dadatkovyja srodki dla našaj supraćpavietranaj abarony, dapamohu ŭ adnaŭleńni. I abaviazkova — dastatkovy cisk na Rasiju, kab spynić hetyja zabojstvy, kab spynić vajnu, adzinaj pryčynaj jakoj źjaŭlajecca Rasija. Śviet moža jaje spynić», — dadaŭ jon.
Ciapier čytajuć
Prajektavali karoŭniki i akumulatarny zavod, a ciapier uzialisia za baroka. Ź vieličnaha jezuickaha kalehiuma ŭ Pinsku źbirajucca źbić uvieś tynk — a jon byŭ raśpisany freskami
Kamientary