Padpałkoŭnik, jaki budavaŭ katedž dla vyzvalenaha hienierała Chaćko, pa-raniejšamu pad śledstvam
Samoha ž eks-hienierała pamiłavali.
Samoha ž eks-hienierała pamiłavali.
U sudzie Kastryčnickaha rajona Hrodna praciahvajecca praces pa spravie byłoha kiraŭnika hrodzienskaj milicyi eks-hienierała Hienadzia Chaćko, piša hazieta «Viečiernij Hrodno». Jaho namieśnik pa haspadarčaj čaści Siarhiej Rudnik abvinavačvajecca ŭ złoŭžyvańni ŭładaj i słužbovymi paŭnamoctvami pry budaŭnictvie jaho ž, Chaćko, katedža. Jak adznačaje «VH», uźnikaje paradoks: hienierał, jaki addavaŭ zahady, vyzvaleny ad kryminalnaj adkaznaści, a jaho padnačaleny, jaki hetyja zahady vykonvaŭ, zastajecca abvinavačanym.
U minułym hodzie rynačnaja cana doma hienierała, zbudavanaha ŭ rajonie «Paŭdniovy», składała kala $200 tysiač. Chaćko atrymaŭ prabačeńnie asabista ad Łukašenki, spłaciŭšy ŭ biudžet 30 miljonaŭ biełaruskich rubloŭ. Jamu viarnuli aryštavanuju majomaść i navat zachavali hienieralskuju piensiju. Nie kažučy pra toje, što jon nie panios nijakaj adkaznaści za faktyčnyja ŭcioki ad śledstva ŭ Rasiju.
Kamientary