Hurtok «Biełaruskaja kultura» zaprašaje dziaciej małodšaha školnaha ŭzrostu
U prahramie: Mova i litaratura Biełarusi, biełaruskija narodnyja tradycyi, dziciačy falkłor i historyja rodnaha kraju.
U hrodzienskim Pałacy tvorčaści dziaciej i moładzi pracuje hurtok «Biełaruskaja kultura». Dziejnaść hurtka raźličana na małodšy školny ŭzrost i budujecca na vysnovie tearetyčnych i praktyčnych zaniatkaŭ z vykarystańniem sučasnych mietodyk i technałohij. Dla bolšaha razumieńnia i zapaminańnia tem, šmat času advodzicca hulniam i praktyčnym zaniatkam.
Prahrama ŭklučaje:
Mova i litaratura Biełarusi
Mova prodkaŭ. Pieršyja piśmovyja krynicy. Mova staražytnych letapisaŭ. Rukapisnaja kniha. Ab pachodžańni biełaruskich słoŭ. Mastackaje słova i pieryjady jaho raźvićcia. Biełaruskaja litaratura siaredniaviečča i biełaruskija aśvietniki. Pieršaja drukavanaja kniha ŭ Biełarusi.
Piśmieńniki Hrodzienščyny. Miescy, źviazanyja ź imi. Našy miaściny ŭ tvorach mastackaj litaratury. Sučasnaje litaraturnaje žyćcio horada. Litaraturnyja abjadnańni, tavarystvy, kłuby. Litaraturnyja staronki ŭ miascovaj haziecie.
Biełaruskija narodnyja tradycyi
Novy hod i Kalady. Kaladnyja i navahodnija zvyčai biełarusaŭ i inšych narodaŭ. Maślenka. Hukańnie viasny. Vialikdzień. Prykmiety, jakija supravadžajuć kožnaje śviata.
Dziciačy falkłor
Biełaruskija narodnyja kazki. Prykazki i prymaŭki. Zahadki. Lehiendy i padańni. Falkłornyja matyvy ŭ tvorach biełaruskich piśmieńnikaŭ (Kupały, Kołasa, Tanka i inš.). Hulni dziaciej biełarusaŭ u kaladna-abradavych śviatach. Vobraz kazy, miadźviedzia i inšych źviaroŭ u vieravańniach i hulniach biełarusaŭ.
Historyja rodnaha kraju
Žyćcio biełaruskich plamion i adkul my heta viedajem. Jak i dzie ŭźnikali pasieliščy? Nazva «Biełaja Ruś». Zaniatki staražytnych žycharoŭ Biełarusi. Reki ŭ žyćci čałavieka. Naš Nioman. Uźniknieńnie Hrodna na bierazie Niomana. Historyja našaha horada. Lehiendy ŭźniknieńnia horada. Vulicy Hrodna. Maja vulica. Nazvy vulic i ich pachodžańnie.
Usie žadajučyja zapitsacca ŭ hurtok mohuć źviartacca pa adrasie: Kałožski park, 1 (były Pałac pijanieraŭ), kab. 206, teł. 8 (0152) 74 49 22, +375 (29) 886 89 14.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ124
Kamientary