Pavodle infarmacyi Ministerstva pa padatkach i zborach, deklaracyja taksama padajecca fizyčnymi asobami, što atrymali dachody z-za miažy ad fizyčnych asob, jakija nie źjaŭlajucca pradprymalnikami. A taksama kali fizyčnaja asoba, jakaja nie źjaŭlajecca indyvidualnym pradprymalnikam, atrymlivała dachody ad zdačy ŭ arendu, najmu žyłych i niežyłych pamiaškańniaŭ inšym fizyčnym asobam, što nie źjaŭlajucca pradprymalnikami, i pamier hetaha dachodu pieravysiŭ 500 bazavych vieličyniaŭ u hod (na siońnia bazavaja vieličynia składaje 24 tys. rubloŭ).
Deklaracyja taksama padajecca, kali fizyčnaja asoba — indyvidualny pradprymalnik, u tym liku pryvatny nataryjus. Pry hetym nie ŭklučajucca ŭ abkładany sukupny hadavy dachod i nie adlustroŭvajucca ŭ deklaracyi dachody ad pradprymalnickaj dziejnaści, padatkaabkładańnie jakich ažyćciaŭlałasia ŭ vyznačanym dla subjektaŭ małoha pradprymalnictva paradku, dachody ad vidaŭ dziejnaści, pa jakich płaciŭsia adziny padatak ź indyvidualnych pradprymalnikaŭ i inšych fizyčnych asob, dachody ad zaniatkaŭ ihralnym biznesam, ź jakich płaciŭsia padatak na ihralny biznes.
Fizyčnaja asoba padaje deklaracyju, kali jana atrymlivała dachody pad załoh majomaści, uklučajučy kaštoŭnyja papiery i nia viernutyja ŭ vyznačanyja terminy, a taksama sumy, jakija naležać fizyčnaj asobie ad realizacyi takoj majomaści, kali raniej padachodny padatak nia ŭtrymlivaŭsia.
Deklaravańniu taksama padlahajuć sumy, atrymanyja jak kampensacyja maralnaj škody, dachody ad vypłatnaha adčužeńnia ciaham piaci hod bolš čym adnoj kvatery, bolš čym adnaho žyłoha domu, bolš čym adnoj dačy, bolš čym adnaho sadovaha domiku z haspadarčymi pabudovami, bolš čym adnaho haražu, bolš čym adnaho ziamielnaha ŭčastku, što naležali fizyčnym asobam na pravach ułasnaści, ad vypłatnaha adčužeńnia na praciahu adnaho kalandarnaha hodu bolš čym adnaho aŭtamabila ci inšaha transpartnaha srodku.
Deklaracyja padajecca ŭ vypadku atrymańnia dachodaŭ ad ažyćciaŭleńnia pradprymalnickaj dziejnaści ŭ parušeńnie vyznačanaha paradku, dachodaŭ ad dareńnia ad fizyčnych asob, što pastajanna znachodziacca na terytoryi Biełarusi, jakija pieravyšajuć 500 bazavych vieličyniaŭ u hod, a taksama dachodaŭ, atrymanych u vyniku dareńnia ad fizyčnych i jurydyčnych asob za miažoj ci z-za miažy.
Aproč taho, košt pryzoŭ u hrašovaj i naturalnaj formie, atrymanych spartsmenami niepasredna na mižnarodnych spabornictvach, dachody ad dyplamatyčnych, konsulskich i inšych pradstaŭnictvaŭ zamiežnych dziaržaŭ, kali krynicaj vypłaty padachodny padatak nia ŭtrymlivaŭsia, taksama ŭkazvajucca ŭ deklaracyi.
U cełym u adpaviednaści z Zakonam Respubliki Biełarusi «Ab padachodnym padatku ź fizyčnych asob» abjektam padatkaab¬kładańnia źjaŭlajecca sukupny dachod fizyčnych asob u hrašovaj i naturalnaj formie, atrymany na praciahu kalandarnaha hodu hramadzianami Biełarusi i zamiežnymi hramadzianami dy asobami biez hramadzianstva, jakija pastajanna znachodziacca na terytoryi respubliki, — ad krynic u respublicy i za jaje miežami, a taksama zamiežnymi hramadzianami i asobami biez hramadzianstva, jakija nie adnosiacca da tych, što pastajanna znachodziacca na terytoryi Respubliki Biełarusi, — ad kry¬nic u Biełarusi.
Pa zakančeńni kalandarnaha hodu fizyčnyja asoby abaviazany nie paźniej za 1 sakavika padać u padatkovy orhan pa miescy pastanoŭki na ŭlik deklaracyju pra sukupny hadavy dachod za kalandarny hod. Dla hetaha jany pavinny (kali nieabchodna) zarehistravacca ŭ jakaści padatkapłatnika Respubliki Biełarusi ŭ padatkovym orhanie.
Kamientary