Любыя маніпуляцыі з фільмам «Мы, браты» магчымыя толькі з дазволу дзяржавы. Пра гэта заявіў сёння журналістам міністр культуры Беларусі Барыс Святлоў.
«Як можна казаць пра тое, што Сяргей Ждановіч [прадзюсер фільма «Мы, браты»] некуды збег з грашыма, не ведаю, улічваючы, што я сутыкнуўся са Ждановічам у калідоры Міністэрства культуры, адпраўляючыся на прэс-канферэнцыю. Калі гэта не яго двайнік, то, трэба думаць, Ждановіч на месцы. Па-другое, я не ведаю, з якімі грашыма ён мог уцячы, бо Ждановіч расплаціўся фільмам, які ён стварыў і які сёння здадзены Міністэрству культуры. Больш за тое, зыходныя матэрыялы яго па ўмовах дамовы знаходзяцца нават не ў міністэрстве, а ў Дзяржынску. Далейшыя маніпуляцыі з фільмам магчыма рабіць пад наглядам Міністэрства культуры, якое або дасць дазвол скарыстацца гэтымі матэрыяламі, або не», — сказаў міністр.
Пастаноўку пытання, які цяпер фігуруе ў інтэрнэце, пра грошы на фільм кіраўнік ведамства назваў абсурднай.
«Калі разглядаць гэта як гульню, то, паверце мне, ніхто яшчэ дзяржаву не абыграў. Казіно і дзяржаву абыграць немагчыма.
На фільм было выдзелена Br20 млрд 563 млн 567 тыс. 135 рублёў. Гэтыя грошы былі закладзеныя на праект яшчэ ў 2013 годзе, яшчэ да пачатку конкурсу», — сказаў Барыс Святлоў.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку14
Каментары