Расійскі консул: Пазіцыя Мінска аб змове 33 грамадзян РФ з Ціханоўскім і Статкевічам надуманая
Супрацоўнікі консульскага аддзела пасольства Расіі сустрэліся з затрыманымі ў Беларусі расійскімі грамадзянамі, паведаміла ў твітары ў суботу, 1 жніўня, дыпмісія, піша tut.by.
«Консул правёў сустрэчу з затрыманымі. Наколькі вядома, наведванне затрыманых было працяглым па часе», — адзначылі tass.ru ў пасольстве РФ.
Консул амбасады РФ у Беларусі Кірыл Плетнеў у эфіры тэлеканала «Расія-24» паведаміў, што 33 расіянам прад'яўленая копія пастановы аб прымяненні меры стрымання ў выглядзе змяшчэння пад варту.
— Такі дакумент быў прад'яўлены кожнаму з нашых расійскіх грамадзян, у адпаведнасці з якім відавочна прасочваецца тэндэнцыйная накіраванасць дзеянняў беларускіх уладаў. У прыватнасці, хацелася б адзначыць, што паказваецца на наўмысныя дзеянні групы асоб па папярэдняй змове сумесна з Ціханоўскім і Статкевічам, што, на наш погляд, з'яўляецца абсалютна надуманай і несапраўднай пазіцыяй, — сказаў консул.
Новая справа супраць Ціханоўскага — да 12 гадоў зняволення
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары