Расійская вакцына ГамКавідВак (гандлёвая марка «Спадарожнік V») ухвалена Мінздароўя Беларусі для прымянення людзям, якім больш за 60 гадоў, паведамляецца ў тэлеграм-канале ведамства.
Распрацоўшчыкам вакцыны — інстытутам імя Гамалеі — з мэтай пашырэння ўзроставых межаў выкарыстання прэпарата для прафілактыкі каранавіруса ўнесены неабходныя змены і дапаўненні ў інструкцыю па ўжыванні.
Мінздароўя зазначае, што для падрыхтоўкі да вакцынацыі пажылым людзям будзе прапанавана прайсці комплексны медагляд — з захаваннем неабходных супрацьэпідэмічных мерапрыемстваў.
Раней казалася, што масавая вакцынацыя насельніцтва пачнецца ў красавіку. У пачатку сакавіка паступіць 100 тысяч вакцын, у канцы сакавіка яшчэ 100 тысяч. Разглядаецца таксама пытанне паставак вакцыны з Кітая.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары