Украіна завяршыла перамовы аб павелічэнні на 5 мільёнаў доз паставак амерыканскай вакцыны ад каранавіруса Novavax. Усяго будзе атрымана 15 млн доз гэтага прэпарата пачынаючы з ліпеня, паведаміў у сваім фэйсбуку панядзелак міністр аховы здароўя Максім Сцяпанаў.
Учора паведамлялася, што закуплена 500 тысяч доз AstraZeneca.
Сцяпанаў цяпер знаходзіцца ў індыйскай Пуне, дзе кантралюе закупку шведска-брытанскай вакцыны AstraZeneca.
Раней Украіна катэгарычна адмовілася ад расійскіх вакцын. Паведамлялася, што Кіеў атрымае больш за 1,9 млн доз вакцыны кітайскай кампаніі Sinovac Biotech, першыя пастаўкі якой чакаюцца ў красавіку.
Novavax — вельмі якасная вакцына. Яе эфектыўнасць супраць першаснага варыянту SARS-CoV-2 складае 95,6%, гэта вышэй, чым у іншых існуючых вакцын.
Цяпер чытаюць
Мігранцкі крызіс, арганізаваны Лукашэнкам, — усё? Вось што паказваюць лічбы7
Каментары