Завод «Атлант» рыхтуе рэбрэндынг? Вытворца бытавой тэхнікі рэгіструе новыя таварныя знакі
Мінскі вытворца бытавой тэхнікі «Атлант» рыхтуецца да правядзення рэбрэндынгу. Як даведаўся Office Life, у канцы 2025 года кампанія падавала ў Нацыянальны цэнтр інтэлектуальнай уласнасці заяўкі на рэгістрацыю чатырох новых таварных знакаў са сваім лагатыпам.
На сёння ў ЗАТ зарэгістравана пяць таварных знакаў. Тры новыя — назва кампаніі на англійскай мове ў розных колерах. У параўнанні з папярэднімі лагатыпамі ў іх адрозніваецца шрыфт і яны выглядаюць больш сучаснымі.
Чацвёрты таварны знак — гэта назва кампаніі з надпісам premium. З 2015 года ЗАТ «Атлант» выпускае аднайменную серыю халадзільнікаў.
Кампанія рэгіструе ўсе таварныя знакі ў двух класах тавараў (7 і 11) і двух класах паслуг (37 і 39). Пасля іх рэгістрацыі ЗАТ зможа пад імі, напрыклад, выпускаць кампрэсары для халадзільнікаў, пральныя машыны, самі халадзільнікі, а таксама аказваць паслугі па ўстаноўцы і рамонце халадзільнага абсталявання і электрапрыбораў.
Раней паведамлялася, што на прадпрыемстве запусцяць новае рабатызаваную вытворчасць гарызантальных маразільнікаў.
Малады работнік «Мінск-Арэны» павінен заплаціць 71 мільён даляраў4
Каментары