Адвакат Сафіі Сапегі Антон Гашынскі расказаў у каментары для расійскага выдання РБК, што збіраецца рабіць па яе справе далей. Сёння стала вядома, што Лукашэнка адмовіў дзяўчыне ў памілаванні, хоць гэта ўсімі чакалася.
«Да апошняга спадзяваліся, што рашэнне будзе прынятае станоўчае і Сафію памілуюць. Але камісія па памілаванні, відаць, палічыла, што яна не вартая памілавання. Таму зараз будзем прасіць, каб яе адправілі адбываць пакаранне ў Расійскую Федэрацыю. У далейшым у яе будзе права звярнуцца да прэзідэнта Расіі з просьбай аб вызваленні яе ад адбыцця астатняй часткі пакарання», — сказаў адвакат.
Запыт на перадачу ў Расію падаць можа або сама Сафія, або яе сваякі. «Далей запускаецца дастаткова працяглая працэдура па яе пераводзе. Але для пачатку на гэта павінен пагадзіцца беларускі бок. Аляксандр Лукашэнка заяўляў, што ён не супраць гэтага, таму будзем спадзявацца, што яе адправяць у Расію. Запыт мы пададзім у найбліжэйшы час. Але працэдура разгляду вельмі доўгая», — растлумачыў Гашынскі.
Чытайце таксама:
Сафіі Сапезе адмовілі ў памілаванні
Бацька Соф'і Сапегі пагасіў штраф па прысудзе дачкі. Цяпер яе могуць экстрадаваць у Расію
Цяпер чытаюць
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць24
Каментары
Будзем спадзявацца, што такі манеўр дапаможа.
Прынамсі, у Расію хоць паштоўкі даходзіць будуць!